భావనతో ‘జయం’ రవి ‘పగ’

News

oi-Santhosh

By Bojja Kumar

| Published: Monday, December 5, 2011, 16:24 [IST]

ఈ మధ్య పలు తమిళ సినిమాలు తెలుగులో డబ్బింగ్ చేయడం సర్వ సాధారణం అయి పోయింది. తమిళ సినిమాల్లో నటించే హీరో, హీరోయిన్లు తెలుగు వారికి సుపరిచితమే కాబట్టి ఒక్క సినిమాతో రెండు సినిమాల డబ్బును రాబట్టుకుంటున్నారు. తాజాగా మరో సినిమా తమిళం నుంచి తెలుగులోకి అనువాదం అయింది. 'జయం" రవి కథానాయకుడిగా తమిళంలో రూపొందిన దీపవల్లి అనే సూపర్ హిట్ చిత్రాన్ని తెలుగులోకి 'పగ" పేరుతో అనువదిస్తున్నారు ప్రకాష్ రెడ్డి. ప్రస్తుతం డీటీఎస్ పనులను జరుపుకుంటోన్న ఈ చిత్రం విశేషాలను నిర్మాత ప్రకాష్ రెడ్డి మీడియాకు వెల్లడించారు.

ఎళిల్ దర్శకత్వంలో తెరకెక్కిన ఈ చిత్రంలో రవి సరసన అందాలతార భావన హీరోయిన్‌గా నటించిందని, అంగబలం, అర్థబలం కలిగివున్న మాఫియా డాన్ కుమార్తెను ప్రేమించిన ఓ యువకుడు తన బుద్ధిబలంతో ఆ మాఫియా డాన్‌కు బుద్ది చెప్పి తన ప్రేమను ఎలా గెలిపించుకున్నాడు అనే కథాంశంతో ఈ చిత్రం రూపొందిందని వెల్లడించారు. యువన్‌శంకర్ రాజా సంగీతం అందించిన ఈ చిత్రాన్ని క్రిస్ మస్ కానుకగా విడుదల చేయనున్నారు.