For Quick Alerts
    ALLOW NOTIFICATIONS  
    For Daily Alerts

    వి.వి.వినాయిక్ చేతుల మీదగా 'మాస్క్‌'

    By Srikanya
    |

    హైదరాబాద్ : జీవా హీరోగా నటించిన చిత్రం 'మాస్క్‌'. పూజా హెగ్డే హీరోయిన్ గా మిస్కిన్‌ దర్శకత్వం వహిస్తున్న ఈ చిత్రం ఆడియో ఆదివారం హైదరాబాద్ లో విడుదలైంది. ఎన్‌.వి.ప్రసాద్‌, పారస్‌ జైన్‌ నిర్మాతలు. ఆర్‌.బి.చౌదరి సమర్పకులు. కె సంగీతం అందించారు. తొలి సీడీని దర్శకుడు వి.వి.వినాయక్‌ ఆవిష్కరించారు. హీరో సునీల్‌ స్వీకరించారు. మిస్‌కిన్ దర్శకత్వం వహించారు. ఈ చిత్రం ఈ నెల 31న తెలుగు, తమిళ, మలయాళ, కన్నడ భాషల్లో విడుదల కానుంది.

    ఆడియో విడుదల సందర్భంగా హీరో జీవా మాట్లాడుతూ ''సూపర్‌మేన్‌ తరహా పాత్రను పోషించే అవకాశం ఈ సినిమాతో నాకు దొరకడం ఆనందంగా ఉంది. పూర్తిగా మన దక్షిణ భారత వాతావరణానికి తగ్గట్టుగా సాగుతుంది. ఈ సినిమా కోసం కిలోల కొద్దీ బరువుండే దుస్తుల్ని ధరించి నటించాను. కథ, పాత్రలకు తగ్గట్టుగా కొన్ని యుద్ధ విద్యల్ని నేర్చుకొన్నాను. నటుడిగా భిన్నమైన అనుభూతిని మిగిల్చింది. దర్శకుడు మిస్కిన్‌ చిత్రాన్ని తీర్చిదిద్దిన విధానం చాలా బాగుంది. 'రంగం'లాగే ఈ చిత్రం కూడా తెలుగు ప్రేక్షకుల్ని తప్పకుండా మెప్పిస్తుంది''అన్నారు.

    వినాయక్‌ మాట్లాడుతూ ''నాకు బాగా ఇష్టమైన దర్శకుల్లో మిస్కిన్‌ ఒకరు. సున్నితమైన కథాంశాల్ని చాలా బాగా తెరకెక్కిస్తారు. 'మాస్క్‌' ప్రచార చిత్రాల్ని చూడగానే సినిమాపై ఆసక్తి కలిగింది. జీవాకి ఈ సినిమాతో మరొక మంచి విజయం చేకూరాలి''అని ఆకాంక్షించారు. నిర్మాతల్లో ఒకరైన యన్.విపసాద్ మాట్లాడుతూ ''యు.టి.వి.సంస్థ మూడు భాషల్లో ఈ చిత్రాన్ని నిర్మించింది. 'రంగం'తో తెలుగు ప్రేక్షకుల అభిమానాన్ని చూరగొన్న జీవా ఈ చిత్రంలో అద్భుతమైన పాత్రను పోషించాడు. ఇటీవలే స్విట్జర్లాండ్‌లో రెండు పాటల చిత్రీకరణతో షూటింగ్ కార్యక్షికమాలు పూర్తయ్యాయి. ప్రస్తుతం నిర్మాణానంతర కార్యక్షికమాలు జరుగుతున్నాయి. అత్యున్నత నిర్మాణ విలువలతో ఈ చిత్రం తెలుగు ప్రేక్షకులకు సరికొత్త అనుభూతినిస్తుంది' అన్నారు.

    ఓ సాధారణ వ్యక్తి దుష్ట శిక్షణ, శిష్ట రక్షణ కోసం సూపర్‌మేన్‌గా ఎలా అవతరించడన్న పాయింట్ తో నడిచే చిత్రం ఇది. యాక్షన్ ఎంటర్టైనర్ గా నడుస్తుంది. జీవా సూపర్‌హీరో పాత్రలో కనిపిస్తారు. మెగా సూపర్‌గుడ్ ఫిల్మ్స్ పతాకంపై ఆర్.బి.చౌదరి సమర్పణలో యన్.విపసాద్-పారస్‌జైన్ ఈ చిత్రాన్ని నిర్మిస్తున్నారు.ఈ కార్యక్రమంలో ఎమ్‌.శ్యామ్‌ప్రసాద్‌రెడ్డి, నాజర్‌, అలీ, దేవిప్రసాద్‌, ప్రసన్నకుమార్‌ పాల్గొన్నారు.

    English summary
    Jeeva, Pooja Hedge starring upcoming tamil movie Mugamoodi is being dubbed in to telugu as Mask. The audio launch of Mask released at Prasad Labs in Hyderabad. V.V.Vinayak has released the audio cd of Mask and given it to Sunil. Jeeva will be seen as Superhero in Mask the dubbed version of Mugamoodi.Myskin is the director of the film .NV.Prasad and Paras Jain are producing Mask under Mega Supergood Films Banner.R.B.Choudary is presenter of the film.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X