నీతూ పిర్యాదు కుట్రే:జీవిత

By Staff

Published: Monday, January 5, 2009, 11:38 [IST]

నీతూ చంద్ర తమపై చేసిన పిర్యాదు వెనక కొందరి పోద్బలం ఉందని సత్యమేవజయితే సినిమా దర్శకురాలు,రాజశేఖర్ భార్య జీవిత అన్నారు. రాజశేఖర్ కి వ్యతిరేకంగా నీతూ చంద్ర పోలీస్ కమీషనర్ కి ఇచ్చిన ఈ మెయిల్ పై జీవితను కామెంట్ కోరగా ఆమె పై విధంగా స్పందించారు. ఎవరికి వ్యతిరేకంగా పోరాడుతున్నామో,వారే దీని వెనుక ఉన్నారని,వారెవరో అందరికీ తెలుసన్నారు. ఈ మెయిల్ విషయంలో కమీషనర్ కి ఫిర్యాదు వెళ్ళిందని తెలిసిందని,పోలీసులు దర్యాపులో వివరణ కోరితే జవాబివ్వటానికి తాము సిద్దంగా ఉన్నామని జీవిత తెలిపారు.

గత నెల 23న షూటింగ్ లో జరిగిన ఉదంతం గురించి తాము ఇదివరకే పూర్తి వివరణ ఇచ్చామన్నారు. సంఘటన యూనిట్ సభ్యులు,మేనేజర్లు అందరి ముందూ జరిగింది కనుకు ఎవరెలా ప్రవర్తించారనే నిజం బయిటపడుతుందని జీవిత అన్నారు. సినిమా నిర్మాణం చివరి ధశలో రెండు షాట్లు మాత్రమే మిగిలి ఉండగా నీతూచంద్ర అర్ధవంతంగా నిష్క్రమించారని,నచ్చచెప్పి షూటింగ్ కి తీసుకురావాలని ప్రయత్నించిన మేనేజర్లుపై దురుసుగా ప్రవర్తించారని ఆమె తెలిపారు. తొలి నుండీ ఆమె తేదీల విషయంలోనూ,షూటింగ్ లోనూ తామూ ఇబ్బంది పడ్డామని జీవిత ఈ సందర్భంగా వివరణ ఇచ్చారు.

More from Filmibeat