శ్రీదేవి కూతురు కోసం లైనేస్తున్నారు(ఫోటోలు)

జాహ్నవి

సీసీఎల్(సెలబ్రిటీ క్రికెట్ లీగ్) టోర్నీలో శ్రీదేవి పెద్ద కూతురు జాహ్నవి తన హాట్ అప్పియరెన్స్‌తో సెంటర్ ఆఫ్ అట్రాక్షన్‌గా మారింది. శ్రీదేవిబోనీకపూర్ సిసిఎల్ బెంగాల్ టైగర్స్ టీం ఫ్రాంచైజీగా వ్యవహరిస్తున్న సంగతి తెలిసిందే. ఇటీవల కేరళ-బెంగాల్ జట్ల మధ్య మ్యాచ్ జరుగా శ్రీదేవితో పాటు ఆమె ఇద్దరు కూతుర్లు స్టేడియంలో సందడి చేసారు.

అందరి చూపులు ఆమెపైనే

ఆ మధ్య జరిగిన సీసీఎల్ టోర్నీలో జాహ్నం హాట్ అప్పియరెన్స్ ఇవ్వడంతో చాలా మంది మ్యాచ్ చూడటం మానేసి ఆమెనే చూడటం మొదలు పెట్టారు. అంటే సినిమాల్లోకి రాక ముందు జాహ్నవి తన అందాలతో అందరినీ ఆకట్టుకునే ప్రయత్నం చేస్తోంది.

చిలిపి చేష్టలు

అతిలోక సుందరిలాంటి అందచందాలతో, చక్కని నటనతో, హాస్యరసం కూడా మేళవిస్తూ ప్రేక్షకులను ఎంటర్టెన్ చేసే శ్రీదేవిని తలుచుకుంటే ఇప్పటికీ అభిమానుల మనసులు జివ్వు మంటాయి. శ్రీదేవి లక్షణాలు ఆమె కూతురు జాహ్నవికి కూడా అబ్బినట్లే కనిపిస్తున్నాయి. ఇక్కడున్న ఫోటోలో జాహ్నవి చిలిపి చేష్టలు చూస్తుంటే ఆ విషయం స్పష్టమవుతుంది.

పార్టీలో..

ప్రముఖ హీరోయిన్ శ్రీదేవికి కేంద్ర ప్రభుత్వం ఇటీవల ప్రతిష్టాత్మకమైన పద్మశ్రీ అవార్డు ప్రకటించిన సంగతి తెలిసిందే. ఈనేపథ్యంలో ప్రముఖ వ్యాపార వేత్త, సహారా సంస్థల అధినేత సుబ్రతో రాయ్ శ్రీదేవి పద్మశ్రీ అవార్డు గెలుపొందిన నేపథ్యంలో పార్టీ ఏర్పాటు చేసారు. అప్పుడు జాహ్నవి ఇలా సెక్సీ లుక్‌తో పార్టీకి హాజరైంది.

కూతురు కాదు..సిస్టర్ అంటున్నారు

ఈ మధ్య వీరిద్దరూ కలిసి ఏదైనా కార్యక్రమానికి హాజరైతే శ్రీదేవి జాన్వికి తల్లిలా లేదని, సిస్టర్‌లా ఉందని అంతా పొగిడేస్తున్నారట. దీంతో జాన్వి తెరంగ్రేటం చేయబోయే సినిమాలో వీలైతే ఆమెకు అక్క పాత్రలో కనిపిస్తానని సన్నిహితులతో అంటోందట శ్రీదేవి.