Don't Miss!
- Sports రోహిత్ శర్మ ప్లేస్లో..!!
- News Money astrology March 29th: ఈ రాశులవారికి ధనలక్ష్మీ కటాక్షం!!
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
సంచలనం: చేతులు కలపబోతున్న జిగ్నేశ్-పా.రంజిత్, ఏం చేయబోతున్నారు?
Recommended Video
జిగ్నేశ్.. బహుజన రాజకీయాలకు దిక్సూచిగా కనిపిస్తున్న దళిత తేజం. పా.రంజిత్.. కొన్ని సామాజిక వర్గాల ఆధిపత్యంలోనే ఉన్న సినీ ఇండస్ట్రీలోకి అనూహ్యంగా దూసుకొచ్చిన దళిత డైరెక్టర్. అణగారిన సామాజిక వర్గాల నుంచి వచ్చిన ఈ ఇద్దరి ఆలోచనల్లోనూ కొంత సారుప్యత ఉంది. అది జాతులు, సాంస్కృతిక స్పృహకు సంబంధించిన విషయం. అలాంటి ఈ ఇద్దరూ చేతులు కలపబోతుండటం ఇప్పుడు దేశవ్యాప్తంగా ఓ ఆసక్తికర చర్చకు దారితీసిందనే చెప్పాలి.
ఇంతకీ ఏం చేయబోతున్నారు:
పా.రంజిత్, జిగ్నేష్ మేవాని చేతులు కలుపబోతున్న విషయం రాజకీయాలకు సంబంధించినది కాదు. సినిమాకు సంబంధించినది. రంజిత్ తన సినిమాలోని ఓ పాత్రకు జిగ్నేశ్ గెస్ట్ అప్పియరెన్స్ ఇస్తే బాగుంటుందని భావించాడట. ఇదే విషయాన్ని ఇటీవల ఆయనతోనూ ప్రస్తావించాడట.
ఎక్కడ కలుసుకున్నారు?:
దళితులపై దాడులు, బీజేపీ ఏకపక్ష పోకడలపై గట్టిగా ప్రతిఘటిస్తున్న గుజరాత్ ఎమ్మెల్యే జిగ్నేశ్ మేవాని.. దేశవ్యాప్తంగా అణగారిన వర్గాల్లో చైతన్యం నింపడానికి ప్రయత్నిస్తున్నారు. ఈ క్రమంలో ఆయన ఇటీవలే చెన్నైకి వచ్చారు. ఈ సందర్భంగా ప్రముఖ కోలీవుడ్ డైరెక్టర్ పా.రంజిత్ జిగ్నేశ్తో భేటీ కావడం.. తాజా ఊహాగానాలకు ఊతమిచ్చింది.
ఇండియన్ ఎక్స్ప్రెస్ కథనం:
పా.రంజిత్ సినిమాలో జిగ్నేశ్ మేవాని గెస్ట్ పాత్ర చేయబోతున్నారని ఇండియన్ ఎక్స్ప్రెస్ ఒక కథనాన్ని ప్రచురించడంతో.. ఈ ప్రచారం మరింత జోరందుకుంది. ఆ పాత్ర జిగ్నేశ్కు బాగా సూట్ అవుతుందని పా.రంజిత్ భావిస్తున్నారట. అందుకే పట్టుబట్టి మరీ జిగ్నేశ్ తోనే చేయించాలనుకుంటున్నాడని తెలుస్తోంది.
నిజమేనా?:
మరో విషయమేంటంటే.. పా.రంజిత్ ప్రపోజల్కు జిగ్నేశ్ కూడా ఓకె చెప్పాడన్న వార్తలు వస్తున్నాయి. అంతేకాదు, ఆ పాత్రలో కనిపనించడానికి జిగ్నేశ్ కూడా ఉత్సాహం కనబరుస్తున్నారట. అయితే ఇందులో నిజానిజాలెంతన్న దానిపై మాత్రం ఇంతవరకు అధికారికంగా ఎటువంటి స్పష్టత లేదు.
ఎలా చూపిస్తాడో?:
కుల వివక్ష, అణగారిన వర్గాల సాధికారతపై రాజకీయాల్లో అటు జిగ్నేశ్, సినిమా రంగంలో ఇటు పా.రంజిత్ తమ వంతు కృషి చేస్తూ వస్తున్నారు. అలాంటి ఈ ఇద్దరూ కలిసి పనిచేయబోతుండటం ఇప్పుడు హాట్ టాపిక్గా మారింది. దేశ రాజకీయాల్లో సంచలనంగా మారిన జిగ్నేశ్ను పా.రంజిత్ ఎలా చూపించబోతున్నాడన్నది ఇప్పుడు మరింత ఆసక్తిని రేకెత్తిస్తున్న అంశం.
పోస్ట్ ప్రొడక్షన్లో 'కాలా'..:
కబాలితో దేశవ్యాప్తంగా అందరి దృష్టిని ఆకర్షించిన పా.రంజిత్ సూపర్ స్టార్ రజనీకాంత్ తో వరుసపెట్టి సినిమాలు చేస్తుండటం విశేషం. ప్రస్తుతం రజనీతో పా.రంజిత్ చేస్తున్న 'కాలా' పోస్ట్ ప్రొడక్షన్ కార్యక్రమాల్లో ఉంది. ఈ వేసవికి 'కాలా' ప్రేక్షకుల ముందుకు రావచ్చు. ఇదిలా ఉంటే, తన తర్వాతి సినిమా కూడా రజనీకాంత్ పా.రంజిత్ తోనే చేయబోతున్నట్లు ప్రచారం జరుగుతుండటం గమనార్హం.