twitter
    For Quick Alerts
    ALLOW NOTIFICATIONS  
    For Daily Alerts

    సంచలనం: చేతులు కలపబోతున్న జిగ్నేశ్-పా.రంజిత్, ఏం చేయబోతున్నారు?

    |

    Recommended Video

    చేతులు కలపబోతున్న జిగ్నేశ్-పా.రంజిత్.. ఏం చేయబోతున్నారు ?

    జిగ్నేశ్.. బహుజన రాజకీయాలకు దిక్సూచిగా కనిపిస్తున్న దళిత తేజం. పా.రంజిత్.. కొన్ని సామాజిక వర్గాల ఆధిపత్యంలోనే ఉన్న సినీ ఇండస్ట్రీలోకి అనూహ్యంగా దూసుకొచ్చిన దళిత డైరెక్టర్. అణగారిన సామాజిక వర్గాల నుంచి వచ్చిన ఈ ఇద్దరి ఆలోచనల్లోనూ కొంత సారుప్యత ఉంది. అది జాతులు, సాంస్కృతిక స్పృహకు సంబంధించిన విషయం. అలాంటి ఈ ఇద్దరూ చేతులు కలపబోతుండటం ఇప్పుడు దేశవ్యాప్తంగా ఓ ఆసక్తికర చర్చకు దారితీసిందనే చెప్పాలి.

    ఇంతకీ ఏం చేయబోతున్నారు:

    ఇంతకీ ఏం చేయబోతున్నారు:

    పా.రంజిత్, జిగ్నేష్ మేవాని చేతులు కలుపబోతున్న విషయం రాజకీయాలకు సంబంధించినది కాదు. సినిమాకు సంబంధించినది. రంజిత్ తన సినిమాలోని ఓ పాత్రకు జిగ్నేశ్ గెస్ట్ అప్పియరెన్స్ ఇస్తే బాగుంటుందని భావించాడట. ఇదే విషయాన్ని ఇటీవల ఆయనతోనూ ప్రస్తావించాడట.

     ఎక్కడ కలుసుకున్నారు?:

    ఎక్కడ కలుసుకున్నారు?:

    దళితులపై దాడులు, బీజేపీ ఏకపక్ష పోకడలపై గట్టిగా ప్రతిఘటిస్తున్న గుజరాత్ ఎమ్మెల్యే జిగ్నేశ్ మేవాని.. దేశవ్యాప్తంగా అణగారిన వర్గాల్లో చైతన్యం నింపడానికి ప్రయత్నిస్తున్నారు. ఈ క్రమంలో ఆయన ఇటీవలే చెన్నైకి వచ్చారు. ఈ సందర్భంగా ప్రముఖ కోలీవుడ్ డైరెక్టర్ పా.రంజిత్ జిగ్నేశ్‌తో భేటీ కావడం.. తాజా ఊహాగానాలకు ఊతమిచ్చింది.

    ఇండియన్ ఎక్స్‌ప్రెస్ కథనం:

    ఇండియన్ ఎక్స్‌ప్రెస్ కథనం:

    పా.రంజిత్ సినిమాలో జిగ్నేశ్ మేవాని గెస్ట్ పాత్ర చేయబోతున్నారని ఇండియన్ ఎక్స్‌ప్రెస్ ఒక కథనాన్ని ప్రచురించడంతో.. ఈ ప్రచారం మరింత జోరందుకుంది. ఆ పాత్ర జిగ్నేశ్‌కు బాగా సూట్ అవుతుందని పా.రంజిత్ భావిస్తున్నారట. అందుకే పట్టుబట్టి మరీ జిగ్నేశ్ తోనే చేయించాలనుకుంటున్నాడని తెలుస్తోంది.

    నిజమేనా?:

    నిజమేనా?:

    మరో విషయమేంటంటే.. పా.రంజిత్ ప్రపోజల్‌కు జిగ్నేశ్ కూడా ఓకె చెప్పాడన్న వార్తలు వస్తున్నాయి. అంతేకాదు, ఆ పాత్రలో కనిపనించడానికి జిగ్నేశ్ కూడా ఉత్సాహం కనబరుస్తున్నారట. అయితే ఇందులో నిజానిజాలెంతన్న దానిపై మాత్రం ఇంతవరకు అధికారికంగా ఎటువంటి స్పష్టత లేదు.

    ఎలా చూపిస్తాడో?:

    ఎలా చూపిస్తాడో?:

    కుల వివక్ష, అణగారిన వర్గాల సాధికారతపై రాజకీయాల్లో అటు జిగ్నేశ్, సినిమా రంగంలో ఇటు పా.రంజిత్ తమ వంతు కృషి చేస్తూ వస్తున్నారు. అలాంటి ఈ ఇద్దరూ కలిసి పనిచేయబోతుండటం ఇప్పుడు హాట్ టాపిక్‌గా మారింది. దేశ రాజకీయాల్లో సంచలనంగా మారిన జిగ్నేశ్‌ను పా.రంజిత్ ఎలా చూపించబోతున్నాడన్నది ఇప్పుడు మరింత ఆసక్తిని రేకెత్తిస్తున్న అంశం.

     పోస్ట్ ప్రొడక్షన్‌లో 'కాలా'..:

    పోస్ట్ ప్రొడక్షన్‌లో 'కాలా'..:

    కబాలితో దేశవ్యాప్తంగా అందరి దృష్టిని ఆకర్షించిన పా.రంజిత్ సూపర్ స్టార్ రజనీకాంత్ తో వరుసపెట్టి సినిమాలు చేస్తుండటం విశేషం. ప్రస్తుతం రజనీతో పా.రంజిత్ చేస్తున్న 'కాలా' పోస్ట్ ప్రొడక్షన్ కార్యక్రమాల్లో ఉంది. ఈ వేసవికి 'కాలా' ప్రేక్షకుల ముందుకు రావచ్చు. ఇదిలా ఉంటే, తన తర్వాతి సినిమా కూడా రజనీకాంత్ పా.రంజిత్ తోనే చేయబోతున్నట్లు ప్రచారం జరుగుతుండటం గమనార్హం.

    English summary
    A few days ago, when Dalit leader Jignesh Mevani was in Chennai, he met director Pa Ranjith. Both shared a good camaraderie and a picture of the two from the meeting went viral on social media. Now, it is rumoured that Jignesh will act in a small cameo in Pa Ranjith's film.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X