For Quick Alerts
    ALLOW NOTIFICATIONS  
    For Daily Alerts

    మూడు జతల జీన్స్ మాత్రమే ఉన్నాయన్న స్టార్ హీరో

    By Srikanya
    |

    ముంబై: 'నేను నా దుస్తులను చాలా తక్కువ కాలమే ధరిస్తాను. ఆ తర్వాత వాటిని ఇతరులకు ఇచ్చేస్తాను. నా దగ్గర ప్రస్తుతం మూడు జతల జీన్ మాత్రమే ఉన్నాయి. నాలుగు నుంచి ఐదు టీషర్టులు ఉన్నాయి. మీరు ప్రెస్ కాన్ఫరెన్స్‌లలో కూడా తరచూ వాటినే చూస్తుంటారు. సామాన్యుడిగా జీవితాన్ని గడపడంతో సంతోషం ఉంది. మీరందరు కూడా అదే చేస్తారని ఆశిస్తున్నాను'అని జాన్ అబ్రహం అన్నారు.

    సమాజ సేవ చేయడానికి కేవలం బిలియనీర్లు మాత్రమే ముందుకు వస్తే సరిపోదని, దేశంలోని యువత ఈ బాధ్యతను తమ భుజాలపై వేసుకున్నప్పుడే ఫలితాలు మెరుగ్గా ఉంటాయని బాలీవుడ్ నటుడు జాన్ అబ్రహాం పేర్కొన్నాడు. నటుడు రాహుల్‌బోస్‌తో కలిసి ముంబైలో నిర్వహించిన మీడియా సమావేశంలో జాన్ మాట్లాడుతూ ఈ వ్యాఖ్యలు చేశాడు. సమాజానికి సేవ చేసేందుకు ప్రతిఒక్కరూ ముందుకొచ్చి, తమకున్నదానిలో ఎంతోకొంత ఇచ్చినప్పుడే ఆర్థిక అసమానతలు సమసిపోతాయని చెప్పాడు.

    సామాన్య జీవితం గడిపేందుకే తాను ఇష్టపడతానని, దుస్తులను, ఇతర వస్తువులను పేదలకు ఇచ్చేస్తుంటానని చెప్పాడు.ఈ సందర్భంగా చెప్పాడు. 'ద ఫౌండేషన్' కోసం నిధులు సమీకరించేందుకు ఏర్పాటు చేస్తున్న సంగీత కచేరీ వివరాలను ఈ సందర్భంగా మీడియాకు వెల్లడించాడు. ఇక ఈ హీరో హాలీవుడ్ ఎంట్రీ ఇవ్వబోతున్నాడు. హాలీవుడ్ ఎంట్రీ అనగానే సెన్సేషన్ సీన్స్ చేయడానికి రెడీ అంటున్నాడు జాన్. హాలీవుడ్‌లో స్క్రిప్టు డిమాండ్ చేస్తే నగ్నంగా నటించడానికి రెడీ అని మొహమాటం లేకుండా చెప్పేస్తున్నాడు.

    తనకు న్యూడ్ సీన్స్ చేయడం కొత్తేమీ కాదని, ఇప్పటికే బాలీవుడ్లో చేసానని... అయితే సెన్సార్ బోర్డు వాటిని అనుమతించ లేదని చెప్పుకొచ్చాడు. హాలీవుడ్లో అయితే ఇలాంటి సమస్యలు ఉండవని, బేషుగ్గా న్యూడ్ సీన్స్ చేయడానికి ఒప్పుకుంటానని అంటున్నాడు. అయితే ఇకపై బాలీవుడ్లో మాత్రం న్యూడ్ సీన్స్ చేయడానికి నో అంటున్నాడు. ఇక్కడ అలాంటి చేసినా స్టుపిడ్ సెన్సార్ బోర్డు వాటిని డిలీట్ చేస్తుంది అంటూ తన కోపాన్ని వెల్లగక్కాడు.

    English summary
    John and Rahul's charitable ways. John Abraham and Rahul Bose were spotted attending a charity event.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X