యాక్సిడెంట్ కేసులో హీరోకు 15 రోజుల జైలు

ప్రముఖ బాలీవుడ్ నటుడు జాన్ అబ్రహాంకు బాంద్రా న్యాయస్థానం గురువారం 15 రోజుల శిక్ష విధించింది. 2006 ఏప్రిల్ ఎనిమిదో తేదీన మితిమీరిన వేగంతో మోటార్‌సైకిల్ నడిపిన అబ్రహాం ఓ సైకిల్‌ను ఢీ కొట్టాడు. నిర్లక్ష్యంగా వాహనం నడిపి ఇద్దరు యువకులను గాయపర్చినట్లు పోలీసులు జాన్‌పై అభియోగం మోపారు. విచారణలో నేరం రుజువు కావడంతో న్యాయమూర్తి గురువారం తీర్పు వెల్లడించారు. ఆ వెంటనే జాన్ అబ్రహాం బెయిల్‌కోసం దరఖాస్తు చేసుకోగా కోర్టు మంజూరు చేసింది.