నా వీర్యం దానం చేస్తా...కానీ నాపోలికలొస్తే ఎలా?

వీర్య దానం, అద్దెగర్భం గురించి చర్చించే కాన్సెప్టుతో రూపొందుతున్న చిత్రం 'వికీ డోనర్'. జాన్ అబ్రం నిర్మిస్తున్న ఈచిత్రం ద్వారా ఆయుష్ మాన్ ఖురానా, యామీ గౌతం, అను కపూర్ ఈ చిత్రం ద్వారా వెండి తెరకు పరిచయం అవుతుండగా, సుజిత్ సిర్కార్ దర్శకత్వం వహిస్తున్నారు. ఈ చిత్రం నిన్న(ఏప్రిల్ 20) విడుదలైంది.

ఈ సినిమా చూసిన మహిళ ప్రేక్షకులు జాన్ అబ్రహంను వీర్యం ఇవ్వాలని కోరుతున్నారట. దీనిపై జాన్ స్పందిస్తూ.....'వీర్య దాతల పేర్లు రహస్యంగా ఉండాలి, మంచి జరుగుతుందంటే నేనూ చేస్తా, ఎవరైనా పిల్లలు నా పోలికలతో ఉంటే ఆ మహిళకు నేను వీర్యం ఇచ్చినట్లు తెలిసి పోతుంది. ఆ తర్వాత కొన్ని సమస్యలు ఏర్పడవచ్చు, అందుకే నాకు కాబోయే భార్యకు మాత్రమే చేయాలని అనుకుంటున్నాను' అని చెప్పుకొచ్చాడు.

ఈ చితంలో మీరు ఎందుకు నటించలేదు అని మీడియా అడిగిన ప్రశ్నకు జాన్ స్పందిస్తూ....సినిమా స్క్రిప్టు ప్రకారం కొత్తవాళ్లతో అయితేనే బాగుటుందని భావించా, నా తొలి చిత్రం 'జిస్మ్' చిత్రం కంటే ముందు ఈ సినిమా వచ్చి ఉంటే తప్పకుండా నటించే వాన్ని అని స్పష్టం చేశాడు. ఈ చిత్రం చూసిన వారు వీర్య దానం గురించి పాజిటివ్ వేలో ఆలోచిస్తారని ఆశాభావం వ్యక్తం చేశాడు.

రూ. 20 కోట్లతో నిర్మించిన ఈ చిత్రం తొలి రోజు 1.5 కోట్ల వసూళ్లూ సాధించింది. ఈ చిత్రానికి జుహి చతుర్వేది కథను అందించారు. జాన్ అబ్రహం ఎంటర్ టైన్మెంట్స్, ఈరోస్ ఎంటర్ టైన్మెంట్స్ సంస్థలు ఈ చిత్రాన్ని డిస్ట్రిబ్యూట్ చేస్తున్నాయి.