హోమ్

న్యూస్

జూ ఎన్టీఆర్, వివి వినాయిక్ కాంబినేషన్లో రెడీ అయిన అదుర్స్ చిత్రం ఆడియో రిలీజ్ ఫంక్షన్ డిసెంబర్ ఐదుకు వాయిదా పడింది. మొదట ఈ ఆడియోను మూడున జరపాలని నిర్ణయించారు. అయితే కొన్ని అనివార్య కారణాల వల్ల డేట్ చేంజ్ చేయవలసివచ్చిందని వివివినాయిక్ మీడియాకు తెలిపారు. ఈ సందర్భంగా ఆయన మాట్లాడుతూ..ఆడియోను ముందనుకున్నట్లుగా మూడున కాక డిసెంబర్ ఐదు న జరపాలని నిర్ణయించాం. శిల్పకళా వేదికలో ఈ ఆడియో ఫంక్షన్ జరుగుతుంది. అలాగే ఈ చిత్రంలో ఎన్టీఆర్ ద్వి పాత్రల్లో కనిపిస్తారు. రెండు పాత్రలూ దేనికదే వైవిద్యంగా ఉండి అలరిస్తాయి. అలాగే ఎన్టీఆర్ ఫెరఫార్మన్స్ ని అందరూ మెచ్చుకుంటారు. నాకూ,ఎన్టీఆర్ కాంబినేషన్లో ఇది మూడో చిత్రం..అలాగే హ్యాట్రిక్ అవుతుందని చెప్పగలను అన్నారు ధీమాగా. ఇక ఈ చిత్రం ఆడియోను దేవీశ్రీ ప్రసాద్ సంగీత సారధ్యంలో రూపొందించారు. షూటింగ్ ఫినిష్ అయ్యి పోస్ట్ ప్రొడక్షన్ జరుపుకుంటోంది. వల్లభనేని వంశీ, కొడాలి నాని కలిసి ఈ చిత్రాన్ని నిర్మించారు. ఇంతకు ముందు ఎన్టీఆర్,వినాయిక్ కాంబినేషన్లో సాంబ, ఆది చిత్రాలు వచ్చాయి. అలాగే ఎన్టీఆర్ తన కంత్రి చిత్రం తర్వాత రిలీజు అవుతున్న చిత్రం ఇదే. వినాయిక్,రవితేజ కాంబినేషన్లో వచ్చిన కృష్ణ అనంతరం దీని పైనే వినాయిక్ వర్క్ చేసారు.