Don't Miss!
- News Money astrology March 29th: ఈ రాశులవారికి ధనలక్ష్మీ కటాక్షం!!
- Sports RR vs DC: కన్నీటి పర్యంతమైన రియాన్ పరాగ్!
- Lifestyle Love Horoscope For April 2024:ఈ రాశులకి ఏప్రిల్ లో LOVE సక్సెస్ అవుతుంది..మరికొందరికి అడ్డంకులు తప్పవు
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
మిస్ యూ నాన్న.. హరికృష్ణ జయంతిపై ఎన్టీఆర్, కళ్యాణ్ రామ్ ఎమోషనల్
సినీ రాజకీయ రంగాల్లో తనదైన ముద్ర వేశారు స్వర్గీయ నందమూరి హరికృష్ణ. చైతన్య రథ సారథిగా తెలుగు రాష్ట్రరాజకీయాల్లో చెరగని ముద్రవేశారు. ఇక సినిమాల్లోనూ తనదైన నటనతో అశేష అభిమానులను సొంతం చేసుకున్నారు. సీతారామరాజు, శ్రీరాములయ్య, సీతయ్య వంటి భిన్న చిత్రాల్లో నటించి అందర్నీ మెప్పించారు. రెండేళ్ల క్రితం రోడ్డు ప్రమాదంలో దుర్మరణం చెంది లక్షల మంది అభిమానులను ఒంటరి చేసి వెళ్లిపోయారు. నేడు ఆయన జయంతి. ఈ సందర్భంగా ఎన్టీఆర్, కళ్యాణ్ రామ్ ఎమోషనల్ అయ్యారు.
'ఈ అస్తిత్తం మీరు.. ఈ వ్యక్తిత్వం మీరు.. మొక్కవోని ధైర్యంతో కొనసాగే మా ఈ ప్రస్థానానికి నేతృత్వం మీరు.. ఆజన్మాంతం తలుచుకునే అశ్రుకణం మీరే. నందమూరి కళ్యాణ్ రామ్.. నందమూరి తారక రామారావు 'అంటూ నందమూరి హరికృష్ణకు నివాళి అర్పించారు. మీ 64వ జయంతి న మిమ్మల్ని స్మరించుకుంటూ.... మిస్ యూ నాన్న అంటూ జూ ఎన్టీఆర్, కళ్యాణ్ రామ్ ట్వీట్లు చేశారు.
మరో వైపు సినీ, రాజకీయ ప్రముఖులెందరో హరికృష్ణను స్మరించుకుంటున్నారు. ఎన్టీఆర్ చిరకాల మిత్రుడు రాజీవ్ కనకాల హరికృష్ణ జయంతి సందర్భంగా ఎమోషనల్ అయ్యాడు. గోల్డ్ హార్ట్, డైనమిక్, వర్సటైల్, గొప్ప వ్యక్తి నందమూరి హరికృష్ణ గారి 64వ జయంతి నేడు. తండ్రి సేవలో తరించడం కోసం పుట్టిన వ్యక్తి.. తండ్రి కోసం అన్నింటిని త్యాగాలు చేసే వ్యక్తి.. ఆయన జీవితం తండ్రికే అంకితం.. అంటూ రాజీవ్ అందర్నీ టచ్ చేశాడు.