Don't Miss!
- News Chengicherla: రాజా సింగ్ హౌస్ అరెస్ట్, బండి సంజయ్పై కేసు నమోదు
- Sports RR vs DC: చరిత్ర సృష్టించిన రిషభ్ పంత్.. ఒకే ఒక్కడిగా..!
- Lifestyle ఎన్నికల ముందు ప్రచారంలో గాల్లో మేడలు కడుతున్న నాయకులు..
- Technology రియల్మి కొత్త ఫోన్ టీజర్ విడుదల.. సెగ్మెంట్లోనే సన్నని డిజైన్ సహా కీలక ఫీచర్లు..!
- Automobiles 6 కోట్ల కస్టమర్లతో భారత్లో హోండా తిరుగులేని రికార్డు.. ఎక్కువగా వీటిపైనే క్రేజ్.!!
- Finance Stock Market: లాభాల్లో ముగిసిన సూచీలు.. మార్కెట్ ర్యాలీకి 5 కారణాలివే..
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
రిపబ్లిక్ డే రోజున ఎన్టీఆర్ ఫ్యాన్స్ కు స్పెషల్ ట్రీట్
ఎన్టీఆర్, బాబి కాంబినేషన్ లో రూపొందే చిత్రం లాంచింగ్ డేట్ సెట్ అయ్యింది.
హైదరాబాద్ : యంగ్ టైగర్ ఎన్టీఆర్ తదుపరి చేయబోయే చిత్రం కోసం అభిమానులు ఆసక్తిగా ఎదురుచూస్తున్న సంగతి తెలిసిందే. సూపర్ హిట్ 'జనతా గ్యారేజ్' సక్సెస్ తరువాత చాలా కథలు విని 'పవర్' ఫేమ్ బాబి స్టోరీని ఎన్టీఆర్ ఓకే చేసారు. ఎన్టీఆర్ గ్రీన్ సిగ్నల్ ఇవ్వడంతో బాబి పూర్తి స్థాయి స్క్రిప్టును సిద్ధం చేశాడట.
కానీ చాలా రోజులుగా ఈ సినిమా పట్ల ఎన్టీఆర్ వైపు నుండి అఫీషియల్ న్యూస్ ఏదీ రాకపోవడంతో అభిమానులు కాస్త కంగారు పడ్డారు. అయితే అభిమానులు ఎలాంటి ఆందోళన పడాల్సిన అవసరం లేదు. ఈ చిత్రాన్ని 2017 జనవరి 26 రిపబ్లిక్ డే రోజున అధికారకంగా లాంచ్ చేస్తారని తెలుస్తోంది. ఈ సినిమాలో హీరోయిన్, ఇతర నటీనటుల వివరాలు ఇంకా తెలియాల్సి ఉంది.
అలాగే ఎన్టీఆర్ హీరోగా త్రివిక్రమ్ దర్శకత్వంలో ఓ చిత్రం తెరకెక్కబోతోంది. ఈ ఇద్దరూ కలిసి సినిమా చేస్తారనే మాట ఎప్పట్నుంచో వినిపిస్తోంది. దాంతో ప్రేక్షకులు కూడా ఆసక్తిగా ఎదురుచూశారు. కాస్త ఆలస్యమైనా ఎట్టకేలకి ఈ కాంబినేషన్ కుదిరింది.
హారిక అండ్ హాసిని క్రియేషన్స్ పతాకంపై సూర్యదేవర రాధాకృష్ణ (చినబాబు) నిర్మించనున్న ఆ చిత్రం ఈ యేడాది సెప్టెంబరులో మొదలవుతుంది. నూతన సంవత్సరాన్ని పురస్కరించుకొని నిర్మాత రాధాకృష్ణ శనివారం ఈ సినిమాని ప్రకటించారు. దర్శకుడు త్రివిక్రమ్ ప్రస్తుతం పవన్కల్యాణ్తో తీయనున్న సినిమా కోసం సన్నాహాలు చేసుకొంటున్నారు. అది పూర్తయిన వెంటనే ఎన్టీఆర్ సినిమాని పట్టాలెక్కిస్తారు.