ఎన్టీఆర్ కి వైస్ అంటే ఇష్టం

జూనియర్ ఎన్టీఆర్ కి వైయస్ రాజశేఖర్ రెడ్డి అంటే ఇష్టమంటూ మరో సంచలనానికి తెరలేపారు నాగార్జున. సాక్షి ఛానెల్ కి ఇచ్చిన ప్రత్యేక ఇంటర్వూలో ఆయన మాట్లాడుతూ..ఎన్టీఆర్ నన్ను బాబయ్య అని పిలుస్తారు. కొద్ది రోజుల క్రితమే అతనితో మాట్లాడాను. అతను వైయస్ ఆర్ ని బాగా ఇష్టపడతాడు. ఎప్పుడూ ఇచ్చిన మాట నిలబెట్టుకునే వ్యక్తి అని వైయస్ గురించి అంటూంటాడు. నిజంగా వైయస్ కి ఆ గొప్ప లక్షణం ఉంది అని పొగిడాడు. అయితే వైయస్ గురించి చెబుతూ ఎన్టీఆర్ ని కలపటం మాత్రం చాలా మందిని షాక్ కి గురిచేసింది.

ఇది ఏ చంద్రబాబు కానీ నందమూరి వంశీయులు గానీ వినిఉంటే ఎలా ఫీలవుతారని చెప్పుకుంటున్నారు. ఇక అదే ఇంటర్వూలో స్ధిరత్వమైన ప్రభుత్వం వచ్చిందంటూ పొగిడాడు నాగార్జున. ఆయన గొప్ప నాయకుడు. ఆయన విజయంపై ఆయనకు స్పష్టత ఉంది. అందుకే విజయం మళ్ళీ వరించింది.అయితే కాంగ్రేస్ గవర్నమెంట్ పై బ్లాక్ మార్కు ఒకటి ఉంది అదే అవినీతి. రాబోయే ఐదేళ్ళలో దాన్ని పోగొట్టుకుని క్లీన్ గా తయారవుతుందని ఆశిస్తున్నా అన్నాడు.