మే 5వ తేదీన లక్ష్మిప్రణతితో జూనియర్ ఎన్టీఆర్ పెళ్లి బాజాలు

జూనియర్‌ ఎన్టీఆర్‌ వివాహం మే 5న జరగనున్నట్లు సమాచారం. ఇంతకు ముందు నిర్ణయించిన భామామణి లక్ష్మిప్రణతిని ఆయన వివాహం చేసుకుంటారు. ప్రస్తుతం 'శక్తి' సినిమా షూటింగ్‌లో ఉన్న ఎన్టీఆర్‌ అది పూర్తయిన తర్వాతే వివాహం చేసుకోవాలని నిర్ణయించుకున్నారు. ఈ నెల 13న ఇరు కుటుంబాలు లగ్నపత్రికను మార్చుకోబోతున్నట్లు తెలిసింది. జూనియర్ ఎన్టీఆర్ తండ్రి నందమూరి హరికృష్ణ నివాసంలో వారు ఈ లగ్న పత్రికలు మార్చుకుంటారని తెలుస్తోంది. తెలుగుదేశం పార్టీ అధ్యక్షుడు నారా చంద్రబాబు నాయుడి సమీప బంధువు నార్నే శ్రీనివాస రావు కూతురు లక్ష్మీప్రణతితో జూనియర్ ఎన్టీఆర్ నిశ్చితార్థం జరిగిన విషయం తెలిసిందే.