జూ ఎన్టీఆర్, సురేంద్ర రెడ్డిల 'ఊసరవిల్లి' ఫస్ట్ లుక్ అదుర్స్

ఎన్టీఆర్, సురేంద్ర రెడ్డి కాంబినేషన్ లో ప్రారంభం అయిన 'ఊసరవిల్లి 'చిత్రం ఫస్ట్ లుక్ పోస్టర్ విడుదల చేసారు.పోస్టర్ చూసిన వారికి సినిమా గురించి ఏ విధమైన క్లూ దొరకక పోయినప్పటికీ సినిమా యాక్షన్ ఎంటర్టైనర్ అని అర్దమయ్యేలాగ ఉంది.అలాగే ఈ సినిమాకి ఇప్పటికి అతడే ఆమె సైన్యం వంటి మరో రెండు టైటిల్స్ పరిశీలించారు.అయితే ఇదే టైటిల్ ని ఫైనలైజ్ చేసారని ఈ పోస్టర్ తో అర్దమవుతోంది.ఇక రామ్ తోనూ, రానాతోనూ ఈ చిత్రాన్ని అనుకున్నారు కానీ వర్కవుట్ కాలేదు. ఇక ఈ చిత్రాన్ని నిర్మాత భోగవల్లి ప్రసాద్ నిర్మిస్తున్నారు. ఇక ఈ చిత్రంలో హీరోయిన్ పగను హీరో తన శక్తులన్నీ ఒడ్డి తీరుస్తాడని,గజనీలాంటి గమ్మత్తైన పాయింట్ తో ఈ చిత్రం స్క్రిప్టు రెడీ అయిందైని ఫిల్మ్ సర్కిల్స్ లో వినపడుతోంది. యాక్షన్ కలగలిసిన లవ్ స్టోరీగా ఈ చిత్రాన్ని చెప్తున్నారు. ప్రస్తుతం ఎన్టీఆర్ నటించిన శక్తి చిత్రం విడుదలై ప్లాప్ టాక్ తెచ్చుకుంది.దాంతో ఈ చిత్రంతో ఎలాగైనా హిట్ కొట్టాలనే ఆలోచనతో ఎన్టీఆర్ అన్ని జాగ్రత్తలు తీసుకుని రూపొందిస్తున్నాడంటున్నారు. ఇక సురేంద్రరెడ్డి, ఎన్టీఆర్ కాంబినేషన్ లో గతంలో అశోక్ చిత్రం వచ్చింది. అలాగే సురేంద్రరెడ్డి కిక్ విజయం తర్వాత చేస్తున్న చిత్రం ఇదే.