Don't Miss!
- News ముస్లీం రిజర్వేషన్లపై మాజీ సీఎం సంచలన వ్యాఖ్యలు, మేము వస్తే ఖేల్ కథం !
- Sports IPL 2024: రుతురాజ్ గైక్వాడ్పై అంబటి రాయుడు విమర్శలు.. తప్పుబట్టిన సిక్సర్ల సిద్దు!
- Lifestyle మండిపోయే ఎండలో చల్లగా దద్దోజనాన్ని ఇలా చేసుకోండి..?
- Automobiles మరో సమస్యలో చిక్కుకున్న శిల్పా శెట్టి భర్త.. ఆ లగ్జరీ కార్లు సీజ్
- Finance Market Closing: లాభాల్లో ముగిసిన సెన్సెక్స్-నిఫ్టీ.. స్పీడు పెంచిన బుల్స్..
- Travel కేవలం రూ. 5వేలతో హిమాచల్ప్రదేశ్లోని ఈ ప్రాంతాలను చుట్టేయొచ్చు..!
- Technology Realme నుంచి రెండు కొత్త ఫోన్లు లాంచ్ అయ్యాయి! ధర రూ.11,999 కే మొదలు
Check మూవీకి జూనియర్ ఎన్టీఆర్ సపోర్ట్: ఎప్పటికీ ఆయనకు అభిమానినంటూ ట్వీట్
విభిన్నమైన సినిమాలతో తనకంటూ ప్రత్యేకమైన గుర్తింపును దక్కించుకున్న దర్శకుడు చంద్రశేఖర్ ఏలేటి. వైవిధ్యమైన కథలతో సినిమాలను తెరకెక్కించే ఆయన.. టాలీవుడ్లోనే టాలెంటెడ్ డైరెక్టర్లలో ఒకడిగా వెలుగొందుతున్నారు. ఇప్పటికే ఎన్నో మంచి సినిమాలను రూపొందించిన ఈయన.. ఇప్పుడు యంగ్ హీరో నితిన్తో 'చెక్' అనే సినిమాను తీశారు. ఎంతో ప్రతిష్టాత్మకంగా తెరకెక్కిన ఈ చిత్రం శుక్రవారం (ఫిబ్రవరి 26) ప్రేక్షకుల ముందుకు రాబోతుంది. ఈ నేపథ్యంలో ఈ సినిమా గురించి టాలీవుడ్ స్టార్ హీరో జూనియర్ ఎన్టీఆర్ స్పెషల్ ట్వీట్ చేశాడు.
తాజాగా యంగ్ టైగర్ జూనియర్ ఎన్టీఆర్ తన ట్విట్టర్లో 'చెక్' మూవీ పోస్టర్ను షేర్ చేస్తూ.. 'నేనెప్పటికీ చంద్రశేఖర్ ఏలేటికి పెద్ద అభిమానిని. ఆయన ఇతివృత్తాలు, స్టోరీని చూపించే విధానం అంటే నాకెంతో ఇష్టం. 'చెక్' మూవీ చాలా ఆసక్తికరంగా ఉంది. రేపు సినిమా విడుదల అవుతున్న సందర్భంగా హీరో నితిన్తో పాటు చిత్ర యూనిట్ మొత్తానికి నా శుభాకాంక్షలు' అంటూ రాసుకొచ్చాడు. దీంతో ఈ సినిమా బృందానికి కొత్త ఊపు వచ్చినట్లైంది. మరోవైపు, దర్శకుడిని అభినందిస్తూ వేరే హీరో సినిమాకు మద్దతుగా నిలిచిన తారక్పై ప్రశంసల వర్షం కురుస్తోంది.
ఇదిలా ఉండగా, నితిన్ కెరీర్లో ప్రతిష్టాత్మకంగా రూపొందిన ఈ సినిమాను భవ్య క్రియేషన్స్ బ్యానర్పై ఆనంద్ ప్రసాద్ నిర్మించారు. రకుల్ ప్రీత్ సింగ్, ప్రియా ప్రకాష్ వారియర్ హీరోయిన్లు. కీరవాణి సంగీతం సమకూర్చారు. కొద్ది రోజుల క్రితం విడుదలైన ఈ మూవీ ట్రైలర్కు ప్రేక్షకుల నుంచి విశేషమైన స్పందన వచ్చింది. దీంతో సినిమాపై అంచనాలు పెరిగిపోయాయి. తద్వారా దీనికి ప్రీ రిలీజ్ బిజినెస్ కూడా ప్రపంచ వ్యాప్తంగా రూ. 16.10 కోట్లు వరకూ జరిగినట్లు తెలుస్తోంది.