తొడగొట్టి తెలుగువాళ్ళం అని.. బాబాయ్‌ని ఏమని పొగడాలి..జూ. ఎన్టీఆర్ ఎమోషనల్ స్పీచ్!

బాబాయ్ పక్కన ఇలా నిలబడితే

యంగ్ టైగర్ ఎన్టీఆర్ మాట్లాడుతూ.. బాబాయ్ పక్కన ఇలా నిలబడితే ఇన్నిరోజులు బాబాయ్ ఉన్నాడు అని అనుకునే వాడిని. కానీ ఇప్పుడు నా పక్కన పెద్దాయన ఉన్నాడని అనిపిస్తోంది. నేను నందమూరి కుటుంబ సభ్యుడిగా మాట్లాడడానికి రాలేదు. ఒక మహానుభావుడు చేసిన త్యాగాల వలన లబ్ధిపొందిన తెలుగువాడిగా మాట్లాడడానికి వచ్చా. చిన్నతనంలో తాతయ్య అని పిలిచేవాడిని. ఆయన గురించి తెల్సుకునే కొద్దీ అన్నగారు నందమూరి తారక రామారావు అని పిలిచేవాడిని.

వాల్మీకిని అడిగారేమో

భూమ్మీద ధర్మం మూర్తీభవించిన వ్యక్తి లేడా అని వాల్మీకిని ఎవరైనా అడిగి ఉంటారు. ఎందుకు లేదు అదిగో శ్రీరామ చంద్రుడు అని వాల్మీకి రామాయణం రాశారు. ఆ తర్వాత తెలుగువారిలో అదే ప్రశ్న మొదలైంది ఏమో.. అలాంటి ధర్మ మూర్తి మళ్ళీ పుట్టడా అని.. ఆ ప్రశ్నలో నుంచి, శ్రీరామ చంద్రుడి కటాక్షంతో 1928 మే 28న ఒక ధృవ తార జన్మించింది.

తొడగొట్టి తెలుగువాళ్ళం అని

ఆయన గొప్ప బిడ్డే కాదు.. గొప్ప తండ్రేకాదు.. గొప్ప నాయకుడే కాదు.. కనీసం మనల్ని తెలుగువారు అని కూడా పిలవని రోజుల్లో.. ఇందిరా తెలుగువాడి గౌరవం, తెలుగువాడి పౌరుషం, తెలుగువాడి ఖ్యాతి అని తొడగొట్టి చెప్పుకుంటున్నాం అంటే అందుకు కారణం ఎందరో మహానుభావుల త్యాగాలు. అందులో నందమూరి తారకరామారావు గారు ప్రముఖులు.

మా పిల్లలు అడిగితే

అలాంటి వ్యక్తి ఇంకా ఉన్నారా అని మా పిల్లలు అడిగితే ఇంకా పుట్టలేదు అని చెబుతా. కానీ మా తాత గురించి మీ తాత చేసిన చిత్రం ఉంది అని చూపించుకుంటా అంటూ ఎన్టీఆర్ ఎమోషనల్ గా ప్రసంగించారు. మా భావితరాలకు ఆయన చరిత్రని ఈ చిత్రం ద్వారా తీసుకెళుతున్నారు. అందుకు బాబాయ్ ని ఏమని పొగడలో అర్థం కావడంలేదు. ఇది ఒక చరిత్ర.. చరిత్రకు జయాలు.. పరాజయాలు ఉండవు.. చరిత్ర సృష్టించడమే అని జూ. ఎన్టీఆర్ తెలిపాడు.