Click it and Unblock the Notifications
చపాతీ చేయలేదని.. జూనియర్ ఆర్టిస్ట్ ఆత్మహత్య
బంజారాహిల్స్ పోలీసుల కథనం ప్రకారం... వరంగల్ టౌన్ రెడ్డికాలనీకి చెందిన డి.మోహన్రెడ్డి(32) నగరానికి వలసవచ్చి జూనియర్ ఆర్టిస్ట్స్ అసోసియేషన్లో సభ్యుడిగా చేరాడు. ఈ క్రమంలో సహచర ఆర్టిస్ట్ గీతను తొమ్మిదేళ్ల క్రితం పెళ్లి చేసుకున్నాడు.
ఇటీవల కాలంలో జూనియర్ ఆర్టిస్టులను షూటింగ్లకు సరఫరా చేసే సహ ఏజెంటుగా కూడా మోహన్రెడ్డి పనిచేస్తున్నారు. శనివారం రాత్రి ఇంటికి వచ్చీ రాగానే భార్యను చపాతీ చేయాలని కోరాడు. అందుకామె నిరాకరించి ఇంటి బయటకు వచ్చి కూర్చుంది.
ఎన్నిసార్లు అడిగినా ఆమె స్పందించకపోవడంతో మనస్థాపానికి గురైన మోహన్రెడ్డి ఇంట్లోనే ఉరేసుకుని ఆత్మహత్యకు పాల్పడ్డారు. కాసేపటి తర్వాత లోనికి వెళ్లి చూసిన భార్య జరిగిన ఘటనపై బంజారాహిల్స్ పోలీసులకు ఫిర్యాదు చేసింది. ఎస్సై నయిముల్లా సంఘటనా స్థలిని పరిశీలించారు. కేసు నమోదు చేసుకుని దర్యాప్తు చేస్తున్నారు.
Continue with Google