గర్వపడ్డ జూ ఎన్టీఆర్, దర్శకుడి కంటతడి (రభస ఆడియో)

వివి వినాయక్ మాట్లాడుతూ...

'ఎన్టీఆర్ అంటేనే ఎనర్జీ...ఇపుడు ఆడియో వేడుకలో చూస్తున్న ఎనర్జీ రేపు రేపు సినిమా విడుదలైన తర్వాత కూడా కనిపిస్తుంది. ట్రైలర్ చాలా బాగుంది. సినిమా భారీ హిట్ అవుతుంది అన్నారు.

దర్శకుడు రాజమౌళి మాట్లాడుతూ...

రభస కాంబినేసన్ బాగుంది. హైఓల్టేజ్ సబ్జక్ట్ తో మీ ముందుకు వస్తున్నాడు. తారక్ చాలా ఎదిగిపోయాడు. తను ఇప్పుడు తండ్రయ్యాడు. చాలా ఆనందంగా ఉన్నాడు. ఈ సినిమా విజయంతో ఎన్టీఆర్ కి డబుల్ ఆనందం దక్కుతుంది'' అన్నారు.

రభస గురించి జూ ఎన్టీఆర్..

గత పది నెలలుగా ఈ సినిమా గురించి వర్క్ చేస్తున్నాము. మా డైరెక్టర్ హెల్త్ బాగోకపోవడం వల్లే ఈ సినిమా లేట్ అయ్యింది. ఈ సినిమా కోసం తను చాలా కష్లపడ్డాడు. తను పడ్డ కష్టానికి ఫలితం దక్కుతుంది. తమన్ మంచి ట్యూన్స్ ఇచ్చాడు. మా కాంబినేషన్ లో వచ్చిన సినిమాలు మంచి విజయాన్ని అందుకున్నాయి. ఈ సినిమా కూడా హిట్ అవుదుంది అన్నారు.

సమంత మాట్లాడుతూ..

'జూనియర్ ఎన్టీఆర్ తో నేను చేస్తున్న మూడో చిత్రం ఇది. అందరం కష్టపడి పని చేసాం. సినిమా బాగా ఆడుతుందనే నమ్మకం ఉందని తెలిపారు.

సంతోష్ శ్రీనివాస్ రభస గురించి...

రభస సినిమా క్రెడిట్ అంతా మా హీరో ఎన్టీఆర్ గారికే దక్కుతుంది. నేను చెప్పినకథ నచ్చి నాకు హెల్త్ బాగోలేకున్నా మూడు నెలలు వెయిట్ చేసారు. రభస సూపర్ డూపర్ హిట్ అవుతుంది అన్నారు.

బెల్లంకొండ సురేష్ మాట్లాడుతూ..

డైరెక్టర్ సంతోష్ శ్రీనివాస్ చాలా కష్టపడ్డారు. తమన్, శ్యామ్.కె.నాయుడు గారు ఈ సినిమా కోసం చాలా చక్కగా వర్క్ చేసారు. ప్రణీత, ఈ సినిమాలోని మిగతా నటీనటులందరితో నటించడం ఆనందంగా ఉంది'' అని తెలిపారు.

పాటపాడిన జూ ఎన్టీఆర్

రభస చిత్రంలో ఎన్టీఆర్ జూ ఎన్టీఆర్ ‘రాకాసి రాకాసి' అనే పాట పాడిన విషయం తెలిసిందే. ఆడియో విడుదల సందర్భంగా కూడా ఆ పాట పాడి అభిమానులను అలరించారు ఎన్టీఆర్.