‘రభస’ లో ఎన్టీఆర్ హెయిర్ స్టైల్ ...(ఫోటో ఫీచర్)

బాద్షా

ఎన్టీఆర్,శ్రీను వైట్ల కాంబినేషన్ లో రూపొంది విడుదలైన చిత్రం బాద్షా. ఈ చిత్రంలో రెండు రకాల పాత్రల్లో ఎన్టీఆర్ కనిపించారు. ఆ రెండు పాత్రలు దేవికవే విభిన్నం. అందుకే..హెయిర్ స్టైల్ విషయంలో చాలా శ్రద్ద తీసుకున్నారు. ఈ హెయిర్ స్టైల్ లో ఎన్టీఆర్ లుక్ బయిటకు రాగానే ఫ్యాన్స్ చాలా ఆనందపడ్డారు. ఈ స్టైల్ కి మంచి రెస్పాన్స్ వచ్చింది.

యమదొంగ

రాజమౌళి దర్శకత్వంలో నటించేటప్పుడు తప్పకుండా అతని లుక్ మారుస్తాడని అంతా ఆశించారు. దానికితగినట్లుగానే ఎన్టీఆర్ కొత్త హెయిర్ స్టైల్ తో ఈ చిత్రంలో కనిపించి అలరించారు. ఈ స్టైల్ చాలా పాపులర్ అయ్యింది. అందులోనూ సన్నబడి ఎన్టీఆర్ కొత్తగా ఈ చిత్రంలో కనిపించారు. తర్వాత నుంచి అతని లుక్ మారిపోయింది.

రాఖి

కృష్ణ వంశీ దర్శకత్వంలో రూపొందిన ఈ చిత్రం కోసం ఎన్టీఆర్ ప్రత్యేకంగాజుట్టు పెంచారు. 2006 లో వచ్చిన ఈ చిత్రం ఫ్యామిలీ ఎంటర్టైనర్ గా పేరు తెచ్చుకుంది. ఈ హెయిర్ స్టైల్ అప్పట్లో స్టేట్ లో చాలా పాపులర్ అయ్యింది. అతని ఫ్యాన్స్ చాలా మంది దీన్ని అనుకరించారు. సినిమా కూడా మంచి విజయం సాధించింది.

అదుర్స్

ఎన్టీఆర్ ఫుల్ లెంగ్త్ కామెడీ రోల్ చేసిన చిత్రం ఇది. ఇందులో కవలలు గా ఎన్టీఆర్ ద్విపాత్రాభినయం చేసారు. పాత్రకు తగ్గట్లు పురోహితుడుగా ఎన్టీఆర్ అదరకొట్టారు. అందుకోసం పెద్ద బొట్టుతో...జుట్టు పెంచి కనిపించారు. ఈ లుక్ ఫన్ నే కాక ఓ బ్రాండ్ ఇమేజ్ ని ఎన్టీఆర్ కి తెచ్చింది. ఎన్టీఆర్ ఎలాంటిపాత్ర అయినా పండించగలరని నిరూపించిన చిత్రం ఇది.

ఆంధ్రావాలా

2004లో పూరీ జగన్నాథ్ దర్శకత్వంలో వచ్చిన ఈ చిత్రంలో ఎన్టీఆర్ ద్విపాత్రాభినయం చేసారు. ఆ పాత్ర కోసం కర్లీ హెయిర్ ని ట్రిమ్ చేసి కనిపించారు. రెండు పాత్రలు మధ్య వేరియేషన్ చాలా స్పష్టంగా కనిపింపచేసారు. సినిమా వర్కవుట్ కాకపోయినా ఎన్టీఆర్ స్టామినాని తెలియచేసిందీ చిత్రం.

సింహాద్రి

ఎన్టీఆర్ కెరీర్ లో పెద్ద హిట్ ఏది అంటే టక్కున సింహాద్రి అని చెప్తారు. ఆ చిత్రంలో మంచి మనస్సున్న అనాధ గా సింహాద్రి కనిపిస్తారు. ఈ పాత్ర కోసం రాజమౌళి..అతని హెయిర్ స్టైల్ ని ప్రత్యేకంగా డిజైన్ చేయించారు. చాలా క్యూట్ గా ఈ లుక్ ఉంది. సినిమా విజయానికి ఈ లుక్ కూడా కారణమైంది.

దమ్ము

బోయపాటి శ్రీను ..తన హీరోలను ప్రత్యేకంగా ప్రజెంట్ చేస్తారు. దమ్ము చిత్రంలో ఎన్టీఆర్ పాత్ర చాలా ఎమోషనల్ గా సాగుతుంది. అందుకోసం ప్రత్యేకంగా ఎన్టీఆర్ హెయిర్ స్టైల్ ని డిజైన్ చేయించారు. చాలా న్యాచురల్ గా కర్లీ హెయిర్ ని ట్రిమ్ చేయించారు. ఈ చిత్రం యావరేజ్ అయ్యినా...ఈ లుక్ మాత్రం ఎన్టీఆర్ అభిమానులకు పిచ్చ పిచ్చగా నచ్చింది.

ఊసరవెల్లి

సురేంద్ర రెడ్డి చిత్రాలు చాలా స్టైలిష్ గా ఉంటాయి. ఈ చిత్రం కోసం ఎన్టీఆర్ చేత పూర్తి లుకు మారిపించారు. ఈ హెయిర్ స్టైల్ ప్యాన్స్ కు బాగా నచ్చింది. చాలా చోట్ల ఈ స్టైల్ కనిపించింది. సినిమా రిజల్ట్ ఎలా ఉన్నా..ఎన్టీఆర్ లుక్ మాత్రం పాపులర్ అయ్యింది. సినిమాకు లుక్ ఎంత ప్రాధాన్యతో ఈ చిత్రం తెలిపింది.

రభస

ఇప్పుడు అందరి దృష్టీ రామయ్యా వస్తావయ్యా చిత్రంపైనే ఉంది. దాని తర్వాత వచ్చే రభస లో ఎలా కనపడనున్నాడు అనేది ఫ్యాన్స్ కు హాట్ టాపిక్ అయ్యింది. అందులోనూ దర్శకుడు ప్రత్యేకంగా శ్రద్ద తీసుకుని మరీ చూపించాలని డిసైడ్ అయ్యాం అని చెప్పుతున్నాడు. ఈ నేఫధ్యంలో ఎన్టీఆర్ ఫస్ట్ లుక్ కోసం అంతా ఎదురుచూస్తారు.