చేతబడి నిరూపిస్తే పది లక్షలు:వర్మకు సవాల్

By Staff

| Published: Wednesday, September 24, 2008, 16:39 [IST]

జన విజ్ఞాన వేదిక వారు రక్ష సినిమా దర్శక,నిర్మాతలకి ఓ సవాలు విసిరారు. ఆ సినిమాలో చూపినట్లుగా చేతబడి ఉందని ప్రూవ్ చేస్తే పది లక్షలు ఇస్తామని వారు అంటున్నారు. జన విజ్ఞాన వేదిక జెనరల్ సెక్రటరీ టి.రమేష్ మాట్లాడుతూ సినిమాలనేవి సమాజాన్ని జ్ఞానవంతులని చేయాలి. కానీ వర్మ తన సినిమా ద్వారా చేతబడి అనే మూఢ నమ్మకాన్ని స్ప్రెడ్ చేస్తున్నాడు.

అందులోనూ మెదక్ లో జరిగిన భార్యా భర్తల హత్యలతో ఈ సినిమాను ముడి పెట్టడం మరో దురదృష్ట సంఘటన అని వారు ఆవేదన వ్యక్తం చేసారు. ఇక సెన్సార్ వారు పట్టించుకుని ఈ సినిమాపై బ్యాన్ పెట్టాలని వారు డిమాండ్ చేసారు. నిన్న జరిగిన మీడియా మీట్ లో ఈ విషయాలు ఆయన వెళ్ళడించారు. మిగతా సభ్యులు వర్మ కేవలం డబ్బు సంపాదనకే ఈ రకమైన సినిమాలు తీస్తున్నాడని,జనాల నమ్మకాలతో ఆడుకుంటున్నాడని విమర్శించారు.