జ్యోతిక, వర్మ నిర్మాతలుగా ఒక సినిమా

జ్యోతిక, రవితేజ జంటగా రాంగోపాల్‌ వర్మ నిర్మించిన షాక్‌ సినిమా జ్యోతికకు షాక్‌నే మిగిల్చింది. వర్మ మీద ఎంతో నమ్మకం గల జ్యోతిక ఆ సినిమాను తమిళంలో తన సొంత బ్యానర్‌ కింద రీమేక్‌ చేయాలనుకుంది. సూర్యను హీరోగా తీసుకోవాలన్నది ఆమె ఆలోచనగా ఉండేది. కానీ గాడి తప్పిన కథ గల ఆ సినిమాను పట్టుకుని వేళ్ళాడడం మంచిది కాదని తెలివైన జ్యోతిక గ్రహించింది. ఆమెకు ఆ సినిమా మీద విశ్వాసం సడలిపోయినప్పటికీ రాంగోపాల్‌ వర్మ మీద నమ్మకం పోలేదు. వర్మ కార్పొరేషన్‌, జ్యోతిక సంయుక్తంగా ఒక సినిమా నిర్మించబోతున్నట్టు తాజా సమాచారం. ఆ సినిమాలో జ్యోతిక సరసన సూర్య హీరోగా నటించవచ్చు. తెలుగు, తమిళ, హిందీ భాషల్లో ఈ సినిమా ఒకేసారి విడుదల కానుంది. ఈ సినిమాకు దర్శకుడు ఎవరో రాంగోపాల్‌ వర్మే నిర్ణయించాల్సి ఉంది.