ఆ సినిమా చూడమంటూ కేసీఆర్ రిక్వెస్ట్

By Bojja Kumar

Published: Thursday, February 2, 2012, 18:46 [IST]

రేపు(ఫిబ్రవరి 3) విడుదల కాబోతున్న 'జై తెలంగాణ' సినిమాను చూడాలని టీఆర్ఎస్ అధినేత కేసీఆర్ రిక్వెస్ట్ చేశారు. బుధవారం సాయంత్రం జరిగిన ఓ కార్యక్రమంలో ఆయన మాట్లాడుతూ...తెలంగాణ ఉద్యమం గురించి, తెలంగాణకు జరిగిన అన్యాయం గురించి, తెలంగాణ వస్తే లాభాలు, చేకూరే ప్రయోజనాల గురించి ఈ సినిమాలో రసమయి బాల కిషన్ అద్భుతంగా తెరకెక్కించారని, ఈ సినిమాను అందరూ చూడటంతో పాటు, చూసే విధంగా ఎంకరేజ్ చేయాలని కేసీఆర్ కోరారు.

జై తెలంగాణ చిత్రానికి నిర్మాత, దర్శకత్వం రసమయి బాల కిషన్. తెలంగాణ ఉద్యమం నేపథ్యం, ఉద్యమంలో కళాకారుల పాత్ర తదితర అంశాలతో ఈ చిత్రాన్ని రూపొందించారు.
ఇక్కడ గమనించ దగ్గ విషయం ఏమిటంటే ఈ సినిమా విడుదల కోసం ఎక్కువ థియేటర్లు కేటాయించడంతో....ఈ వారంలో విడుదలవ్వాల్సిన పలు సినిమాలను నిర్మాతలు వాయిదా
వేసుకున్నారు.

More from Filmibeat