"నటన అనేది మనిషి అయితే దాని ప్రాణం మా జూ తారక రాముడు"

Recommended Video

యంగ్ టైగర్ జూ ఎన్టీఆర్‌కు దర్శకేంద్రుడు రాఘవేంద్రరావు నుండి అద్భుతమైన కాంప్లిమెంట్ ఇచ్చారు. 'జై లవ కుశ' సినిమా చూసిన అనంతరం ఆయన సోషల్ మీడియా ద్వారా స్పందిస్తూ తారక్ మీద ప్రశంసల వర్షం కురిపించారు.

ట్విట్టర్లో రాఘవేంద్రరావు స్పందిస్తూ..... 'నటన అనేది మనిషి అయితే దానికి ప్రాణం మా జూనియర్ తారక రాముడు. జై లవ కుశ లో అమోఘం. జై ఒక అద్భుతం. ఇంకెన్నో శిఖరాలని అందుకోవాలని కోరుకుంటున్నాను' అని ట్వీట్ చేశారు.

వరుస విజయాలతో దూసుకుపోతోన్న యంగ్ టైగర్ ఎన్టీఆర్ హీరో గా , సోదరుడు కళ్యాణ్ రామ్ నిర్మాణం లో ఎన్టీఆర్ ఆర్ట్స్ పతాకం పై భారీ స్థాయి లో రూపొందిన చిత్రం 'జై లవ కుశ' . యంగ్ టైగర్ ఎన్టీఆర్ త్రిపాత్రాభినయం చేసిన ఈ చిత్రం బాక్సాఫీసు వద్ద సూపర్ హిట్ టాక్ తెచ్చుకుంది.

"యంగ్ టైగర్ ఎన్టీఆర్ త్రిపాత్రాభినయం తో పాటు, అన్నదమ్ముల మధ్య నడిచే ఒక బలమైన కథ ఈ చిత్రానికి ప్రధాన ఆకర్షణగా నిలిచింది. అత్యుత్తమ సాంకేతిక విలువలతో నిర్మించిన ఈ చిత్రానికి బాక్సాఫీసు వద్ద మంచి స్పందన వస్తోంది.

కే. ఎస్. రవీంద్ర (బాబీ) ఈ చిత్రానికి దర్శకత్వం వహించారు. రాశీ ఖన్నా , నివేత థామస్ ఈ చిత్రం లో కథానాయికలు. దేవి శ్రీ ప్రసాద్ సంగీతం అందించగా, చోటా కె నాయుడు సినిమాటోగ్రఫీ సమకూర్చారు. ఆర్ట్ డైరెక్టర్ ఏ ఎస్ ప్రకాష్, ఎడిటింగ్ : కోటగిరి వెంకటేశ్వర రావు, తమ్మి రాజు. విసువల్ ఎఫెక్ట్స్ : అనిల్ పాదూరి (అద్విత క్రియేటివ్ స్టూడియోస్).