డైరక్టర్ విశ్వనాథ్ ను ఏకె47తో చుట్టుముట్టారా..?

కళాతపస్వి కె. విశ్వనాథ్ దర్శకత్వంలో అల్లరి నరేష్, మంజరి ఫడ్నీస్ జంటగా రూపొందుతోన్న చిత్రానికి 'శుభప్రదం" అనే టైటిల్ ని ఖరారు చేశారు. ఈ లోగో ఆవిష్కరణ హైదరాబాద్ లోని ఫిలిం చాంబర్ లో జరిగింది. ఈ సందర్భంగా మీడియా తో విశ్వనాథ్ మాట్లాడుతూ..'ఇన్ని చానెల్స్ వాళ్ళు, ఇన్ని కెమెరాలతో ఈ కార్యక్రమాన్ని షూట్ చేస్తుంటే నాకు ఏకె47 గన్నులతో మీ అందరూ చుట్టిముట్టి నట్టుగా ఉంది" అని సరదాగా చమత్కరించారు. ఇప్పటివరకూ నరేష్ ను అందరూ అల్లరి నరేష్ అంటున్నారు. ఈ చిత్రం తర్వాత 'శుభప్రదం" నరేష్ అని పిలుస్తారు. ఈ సినిమాలో అంత బాగా నటించాడు అని కూడా కళాతపస్వి అన్నారు.