Don't Miss!
- Technology Vivo V30e ఇండియా లాంచ్ తేదీ వివరాలు! లీక్ అయిన ధర, స్పెసిఫికేషన్లు
- News టీడీపీ అభ్యర్దుల మార్పు, ఎవరెక్కడ - రఘురామ పై తాజా నిర్ణయం..!!
- Automobiles కేవలం రూ. 8,999లకే డ్యాష్క్యామ్.. ఈ BIS కెమెరా కార్లకు పెట్టుకుంటే చాలు!!
- Sports PBKS vs MI: అతను అసాధారణ బ్యాటింగ్తో భయపెట్టాడు: హార్దిక్ పాండ్యా
- Lifestyle గుడ్నైట్ సందేశాలను ఇలా సరదాగా పంపుకోండి..
- Finance Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను..
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
అల్లుడు ధనుష్తో కలిసి ‘కాలా’ తెలుగు వెర్షన్ ప్రమోషన్స్లో రజనీకాంత్
రజనీకాంత్ హీరోగా పా రంజిత్ దర్శకత్వంలో, ధనుష్ నిర్మాతగా తెరకెక్కిన 'కాలా' జూన్ 7న గ్రాండ్గా విడుదల కాబోతోంది. తమిళంతో పాటు తెలుగు, హిందీలో కూడా సినిమా విడుదలవుతుండటంతో హైదరాబాద్, ముంబైలో ప్రమోషనల్ ఈవెంట్స్ నిర్వహిస్తున్నారు. తెలుగు వెర్షన్ ప్రమోషన్లో భాగంగా రజనీకాంత్, ధనుష్ కలిసి సోమవారం హైదరాబాద్ చేరుకున్నారు. తమ సినిమాను మీడియా ద్వారా ప్రజల్లోకి తీసుకెళ్లడంలో భాగంగా ప్రెస్ మీట్ ప్లాన్ చేశారు.
ఈ చిత్రాన్ని భారీ ఎత్తున విడుదల చేసేందుకు సన్నాహాలు చేస్తున్నారు. యూఎస్ఏలో కనీసం 300 లొకేషన్లలో ఈ చిత్రాన్ని విడుదల చేసేందుకు ఏర్పాట్లు చేశారట. రజనీ అభిమానులు భారీగా ఉండే మలేషియా, సింగపూర్, జపాన్, గల్ఫ్ దేశాల్లో రికార్డు స్థాయి థియేటర్లలో రిలీజ్ చేయబోతున్నారు.
రజనీకాంత్తో పాటు ప్రముఖ హిందీ నటుడు నానా పాటేకర్ ఈ చిత్రంలో కీలకమైన పాత్రలో నటిస్తున్నారు. ముంబై మురికివాడ ధారావి నేపథ్యంలో ఈ సినిమా సాగుతుంది. ధారావి డాన్ పాత్రలో రజనీకాంత్ కనిపించబోతున్నారు. నానా పాటేకర్ పొలిటీషియన్ పాత్రలో నటిస్తున్నారు. కబాలి తర్వాత దర్శకుడు పా రంజిత్తో రజనీకాంత్ చేస్తున్న రెండవ సినిమా ఇది. తొలి మూవీ సంచలన విజయం సాధించడంతో ఈచిత్రంపై అంచనాలు ఆకాశాన్ని అంటాయి.
వండర్ బార్ ఫిల్మ్స్ పతాకంపై ధనుష్ నిర్మించిన ఈ చిత్రానికి సంతోష్ నారాయణ్ సంగీతం అందించారు. ఇప్పటికే విడుదలైన ఆడియోకు, ట్రైలర్కు మంచి రెస్పాన్స్ వచ్చింది. ఈ మూవీ థియేట్రికల్ రైట్స్ కొనుగోలు చేసిన లైకా ప్రొడక్షన్స్ ప్రపంచ వ్యాప్తంగా కనీవినీ ఎరుగని రీతిలో విడుదల చేయబోతోంది.