మీ హీరోకు అంత సీన్ ఉందా? కుర్రకుంక... రెచ్చిపోయిన విజయ్ దేవరకొండ ఫ్యాన్స్!

విజయ్ దేవరకొండ ఫ్యాన్స్‌ను కెలికారు...

‘అర్జున్ రెడ్డి' చిత్రం హిందీలో రీమేక్ కావడంపై విజయ్ ఫ్యాన్స్ సంతోషంగా ఉన్నారు. అయితే షాహిద్ కపూర్ అభిమానులు ‘విజయ్ దేవరకొండకు మా హీరో అంత టాలెంట్ లేదు, అందుకే షాహిద్ టీజర్ ఒరిజినల్ మూవీ టీజర్ కంటే బావుంది' అంటూ కించపరిచే విధంగా కామెంట్లు చేయడంతో గొడవప్రారంభమైంది.

మంచి సినిమాను నాశనం చేశారు

‘అర్జున్ రెడ్డి' మూవీ బాలీవుడ్లో రీమేక్ చేయడం వల్ల... ఒక మంచి సినిమాను నాశనం చేస్తున్నారు. ‘కబీర్ సింగ్' టీజర్ చూశాం... మాకు ఏ మాత్రం నచ్చలేదు' అంటూ విజయ్ దేవరకొండ అభిమానులు విరుచుకుపడుతున్నారు.

విజయ్ లెజెండ్, షాహిద్ ఒక కుర్రకుంక

‘‘ఒరిజినల్ సినిమా ఎప్పుడూ ఒరిజినల్ సినిమాయే. దాన్ని ఉన్నది ఉన్నట్టుగా చేయలేం. ‘కబీర్ సింగ్' ఎప్పటికీ ‘అర్జకున్ రెడ్డి' స్థాయిని అందుకోలేదు. విజయ్ దేవరకొండ లెజెండ్.. షాహిద్ ఒక కుర్రకుంక'' అంటూ ఫ్యాన్స్ కామెంట్లతో రెచ్చిపోయారు.

ఎదురు దాడి ప్రారంభించిన షాహిద్ ఫ్యాన్స్

విజయ్ దేవరకొండ అభిమానులు తమ కామెంట్లతో రెచ్చిపోతుంటే... అటు షాహిద్ కపూర్ ఫ్యాన్స్ కూడా తమ ప్రతాపం చూపిస్తున్నారు. ‘కబీర్ సింగ్' టీజర్ చాలా చాలా బెటర్‌గా ఉందంటూ కామెంట్ల వర్షం కురిపిస్తున్నారు.

మీ హీరోకు అంత సీన్ ఉందా?

‘‘ఒరిజినల్ మూవీ ఎప్పటికీ ఒరిజినల్‌గానే ఉంటుంది. కానీ షాహిద్ కపూర్ తన టాలెంట్ మొత్తం ఉపయోగించి రీమేక్ అయినా అద్భుతంగా చేశాడు. విజయ్ దేవరకొండ ఒక వేళ షాహిద్ నటించిన కమీనే, హైదర్, ఉడ్తా పంజాబ్ చిత్రాలు రీమేక్ చేస్తే... ఆ పాత్రలకు న్యాయం చేయలేడు. విజయ్ దేవరకొండ ఫ్యాన్స్ ఇకనైనా మీ వితండ వాదం ఆపండి.'' అంటూ షాహిద్ అభిమానులు ఫైర్ అవుతున్నారు.