హోమ్

న్యూస్

రీసెంట్ గా విడుదలైన కాజల్ చిత్రం 'దడ'. ఈ చిత్రంలో ఆమె రియా పాత్రను పోషించింది. సినిమా డిజాస్టర్ టాక్ తెచ్చుకోవటమే కాక ఆమె పాత్ర విమర్శల పాలైంది. అది దృష్టిలో పెట్టుకునే మీడియావారు ఆమెను 'దడ' చిత్రం గురించి అడిగితే... ''నేను ఇప్పటి వరకూ చేసిన పాత్రలన్నింటికంటే 'దడ' చిత్రంలో రియా పాత్ర ప్రత్యేకమైంది. నా ఆహార్యం భిన్నంగా ఉంటుంది అంది. ఇది విన్న వారు ఆమె కావాలనే వెటకారం చేస్తూ ఆమె పాత్ర గురించి చెప్తోందా అని సందేహపడుతున్నారు. అయితే ఆమె అతితెలివిగా దర్శక,నిర్మాతలను నొప్పించకుండా చెప్తోందా అనేది టాపిక్ గా మారింది.

ఇక నాగచైతన్యతో అమె షూటింగ్ సమయంలో తగువులు పడిందని, చైతూని ఆమె లెక్కచేయలేదని విషయాన్ని ప్రస్దావిస్తే... షూటింగ్ సమయంలో నాగచైతన్య ఎంతో స్నేహపూర్వకంగా మెలిగేవారు. ఆయనలో నాకు నచ్చింది నిజాయితీ అని కవర్ చేసింది.అంతేగాక తెలుగులో నా తొలి చిత్రం 'లక్ష్మీకల్యాణం' నుంచి 'దడ' వరకూ నా సినిమా ప్రయాణంలో ప్రతీది మర్చిపోలేని అనుభూతే. ఈ క్రమంలో గొప్ప వ్యక్తులను కలుసుకునే అవకాశం వచ్చింది. వారి నుంచి ఎన్నో కొత్త విషయాలు నేర్చుకున్నాను అని చెప్పుకొచ్చింది. కాజల్ మొత్తానికి భలే తెలివైందే అంటున్నారు ఈ మాటలు విన్నవారంతా.