'AK97' లో కాజల్

By Staff

Published: Tuesday, March 10, 2026, 19:18 [IST]

'చందమామ' సినిమాతో తెలుగునాట వరసగా ఆఫర్స్ సంపాదిస్తూ దూసుకు పోతున్న కాజల్ అగర్వాల్ మీద ఇప్పుడు కన్నడ వారి దృష్టి పడింది. అక్కడ సూపర్ స్టార్ గా వెలుగుతున్న శివరాజ్ కుమార్ హీరోగా చేసే AK97 సినిమా లో ఆమె బుక్కయింది. దాంతో ఆల్రెడీ తమిళంలో (భరత్ తో Pazhani, అర్జున్ తో Bommalattam) చేస్తూ పేరు తెచ్చుకున్న ఆమె మరో సౌత్ సినిమాకు సైన్ చేయటం అందరినీ ఆశ్చర్యానికి గురిచేస్తోంది.

దాంతో అందరకీ డేట్స్ ఎడ్జెస్ట్ చేయటం చాలా కష్టం కదా అని ఒకరిద్దరు దగ్గరవారు ఆమెతో అన్నారుట. అయితే ఆమె తనకు టైం మేనేజ్ మెంట్ తెలుసు ప్లాబ్లం లేదని చెప్తోందిట. ఇక ఈ AK97 సినిమాని ఓం ప్రకాష్ డైరక్ట్ చేస్తున్నాడు. డిసెంబర్ లో సెట్స్ మీదకు వెళ్ళబోయే ఈ సినిమాలో జయప్రద హీరో తల్లిగా ప్రత్యేక పాత్రలో నటించనుంది. ఇది ఫ్యామిలీ నేపధ్యంలో జరిగే యాక్షన్ ఓరియెంటడ్ సినిమా అని దర్శకుడు చెప్తున్నారు.

More from Filmibeat