'కాట్రవర్సీ ముద్దు'పై కాజల్ రియాక్షన్.. చోటా కె నాయుడు గురించి ఏం చెప్పిందంటే!

ముద్దు వివాదం

కాజల్ అగర్వాల్ ప్రసంగిస్తున్న సమయంలో చోటా కె నాయుడు ఒక్కసారిగా ఆమెకు ముద్దు పెట్టేశాడు. ఆ సందర్భంగాలో అంతా దీనిని సరదాగా భావించారు. కానీ సోషల్ మీడియాలో సైతం చోటాపై పెద్దఎత్తున విమర్శలు ఎదురయ్యాయి. చోట కె నాయుడు గత విడియోలని నెటిజన్లు బయటకు తీసు దుయ్యబట్టడం మొదలుపెట్టారు.

సౌందర్య పేరు చెప్పి

ఈ ఘటనతో చోటా కె నాయుడు దిగిరాక తప్పలేదు. ఈ వివాదంపై స్పందిస్తూ క్షమాపణలు కోరారు. కానీ తాను కాజల్ అగర్వాల్ ని తప్పుడు ఉద్దేశంతో ముద్దు పెట్టుకోలేదని అన్నారు. సౌందర్య తరువాత నేను అంతగా ఇష్టపడే నటి కాజల్ అగర్వాల్. ఆమెపై నాకు ప్రత్యకమైన అభిమానం ఉంది. మేము కుటుంబ సభ్యులలాగే ఉంటాం అని చోటా తెలిపారు. దీనితో వివాదం సద్దుమణిగింది.

తొలిసారి కాజల్

ఈ సంఘటన జరిగిన తరువాత కాజల్ అగర్వాల్ తొలిసారి స్పందించింది. చోట కె నాయుడు మా ఫ్యామిలీ ఫ్రెండ్. నా కెరీర్ ఆరంభం నుంచి ఆయన నన్ను ప్రోత్సహిస్తున్నారు. కవచం ఆడియో టీజర్ లాంచ్ కార్యక్రమంలో ఆయన చేసింది నాకు తప్పుగా అనిపించలేదు అని తెలిపింది. ముద్దు వివాదం గురించి పదే పదే చర్చ జరుగుతున్న నేపథ్యంలో కాజల్ తన అభిప్రాయాన్ని తెలియజేసింది.

క్రేజీ ఆఫర్స్

ఇండస్ట్రీలోకి కుర్ర హీరోయిన్లు ఎంతమంది వస్తున్నా కాజల్ అగర్వాల్ కు మాత్రం క్రేజ్ తగ్గడం లేదు. శంకర్ భారతీయుడు 2 చిత్రంలో కాజల్ హీరోయిన్ గా ఎంపికైన సంగతి తెలిసిందే. తమిళంలో జయం రవి సరసన మరో చిత్రంలో నటిస్తోంది. చోట కె నాయుడు గురించి కాజల్ చేసిన వ్యాఖ్యలు వివాదం మరింత పెద్దది కాకుండా చేసింది.