Don't Miss!
- News ఏప్రిల్ 1న రూ.2000 నోట్ల డిపాజిట్, ఎక్స్ఛేంజ్ -ఆర్బీఐ కీలక ప్రకటన..!
- Sports RCB vs KKR: వేరీజ్ మ్యాడ్ మ్యాక్సీ: ఆర్సీబీలో గందరగోళం
- Finance Bank Holidays: ఏప్రిల్ లో 14 రోజులు బ్యాంకులకు సెలవులు..
- Automobiles కొత్త స్కూటర్ కొనేవారికి గుడ్ న్యూస్.. ఏథర్ రిజ్టా ప్రీ బుకింగ్లు ప్రారంభం.. రూ. 999 చెల్లిస్తే చాలు
- Travel గుడ్ప్రైడే రోజున లాంగ్వీకెండ్ ప్లాన్ చేస్తున్నారా? అయితే ఈ ప్లేస్లు చూసేయండి...
- Lifestyle అమ్మాయిలూ! హెయిర్ స్ట్రెటనింగ్, కలరింగ్ అంటూ హెయిర్ స్టైల్ కు పోతే ..కిడ్నీలు పోతాయి..జాగ్రత్త సుమీ..!
- Technology వాట్సాప్ కాలింగ్ ఫీచర్ వినియోగిస్తున్నారా.. అయితే ఈ అప్డేట్ మీకోసమే..!!
తేజ గొప్ప అవకాశమిచ్చారు.. స్వార్థంగా ఉంటూనే.. కాజల్ ఏమంటుందో చూడండి
హీరోయిన్ అంటే అలా వచ్చి ఇలా వెళ్లడం కాదని, టాలెంట్ ఉండాలే గానీ అవకాశాలకు కొదవేంటి అని నిరూపిస్తోంది టాలీవుడ్ చందమామ కాజల్. దశాబ్ద కాలానికి పైగా ఇండస్ట్రీలో తిష్ట వేసి అందరు అగ్ర, కుర్ర హీరోలతో రొమాన్స్ చేసింది కాజల్ అగర్వాల్. 33 ఏళ్ల వయసొచ్చినా గ్లామర్ పరంగా కుర్ర హీరోయిన్లకే అసూయ తెప్పిస్తున్న ఈ సుందరి తాజాగా తేజ దర్శకత్వంలో తెరకెక్కుతున్న సీత సినిమాలో నటిస్తోంది. ఈ చిత్ర షూటింగ్ కంప్లీట్ అయి విడుదలకు సిద్ధమవటంతో ప్రమోషన్ కార్యక్రమాలు వేగవంతం చేశారు యూనిట్ సభ్యులు. ఇందులో భాగంగా ఓ కార్యక్రమంలో పాల్గొన్న కాజల్ సీత ముచ్చట్లను చెప్పుకొచ్చింది.
''తేజ గారు ఎప్పుడో కథ చెప్పారు. కానీ కాల్షీట్లు కుదరలేదు. నేనే రాజు నేనే మంత్రి సినిమా షూట్లోనే సీత ఈ సినిమాను నాతోనే చేయాలి అని ప్రామిస్ తీసుకున్నా. నేటి ట్రెండ్కి తగ్గట్టు కొన్ని మార్పులు చేసి సినిమా తీశారు డైరెక్టర్ తేజ. నేటితరం అమ్మాయిల జీవితాల్ని ప్రతిబింబించే కథే సీత కథ. తన కలల్ని నిజం చేసుకునేందుకు స్వార్థం చూపించే మగువగా ఈ సినిమాలో నా పాత్ర ఉంటుంది. నటించేందుకు మంచి ఆస్కారం ఉన్న పాత్ర ఇది.
ఆసక్తికర విషయం బయటపెట్టిన డైరెక్టర్ తేజ.. ఇదీ అసలు సంగతి అంటూ
సీత రూపంలో తేజ సర్ ఒక గొప్ప పాత్రలో అవకాశం ఇచ్చారు. ఇక సీత పాత్రను అర్థం చేసుకొని అందులో ఒదిగిపోయేందుకు గాను చాలా పుస్తకాలు చదివాను. అదే కోవకు చెందిన చాలా మంది మనుషుల్ని పరిశీలించి చూశాను. నేటితరం అభినవ సీతకు ప్రతిబింబించేలా నా పాత్ర ఉంటుంది'' అని కాజల్ చెప్పుకొచ్చింది.
ఇక ఈ సినిమాలో తాను నటించిన సాహసోపేతమైన సన్నివేశాల గురించి చెప్పిన కాజల్.. ''సీత చిత్రంలో ఎన్నో సాహసోపేత సన్నివేశాలు చూడొచ్చు. వాటిని చేసే కోణంలో చాలా సార్లు గాయపడ్డాను కూడా. నా కోసం సెట్ లో ఎప్పుడూ ఓ డాక్టర్ సిద్ధంగా ఉండేవారు'' అని తెలిపింది కాజల్. ఇక సినిమా విషయానికొస్తే.. సీత సినిమాలో బెల్లంకొండ శ్రీనివాస్, కాజల్ అగర్వాల్ జంటగా నటించారు. మన్నార చోప్రా, సోను సూద్, అభిమన్యు సింగ్ ఈ చిత్రంలో కీలక పాత్రలు పోషించారు. మే 24 వ తేదీన ఈ సినిమా ప్రేక్షకుల ముందుకు రానుంది.