నాగ్ నాకు దేవుడు, వాడుకోకుండా వదలడు.. ఆయన పవర్ ఆకాశమంత.. కళ్యాణ్ కృష్ణ!

నాగ్ నాకు దేవుడు

ఆడియో వేడుకలో తనకు దర్శకుడిగా తొలి అవకాశం ఇచ్చిన నాగార్జునని కళ్యాణ్ కృష్ణ గుర్తు చేసుకున్నారు. దేవుడు ఒక్కొక్కరికి ఒక్కొక్క రూపంలో కనిపిస్తారని, నాకు నాగార్జున దేవుడు అని కళ్యాణ్ కృష్ణ తెలిపాడు.

హరీష్ శంకర్ ద్వారా

తాను దర్శకుడిగా ప్రయత్నాలు చేస్తున్నపుడు హరీష్ శంకర్ ద్వారా రవితేజని కలిసి నేల టిక్కెట్టు కథ చెప్పానని అన్నారు. తప్పకుండా చేస్తానని ఆయన హామీ ఇచ్చారు. నిర్మాత రామ్ తాళ్లూరి రవితేజపై ఉన్న నమ్మకంతో కథ వినకుండా ఈ చిత్రానికి అంగీకరించారని అందుకు వారికి కృతజ్ఞతలు అని కళ్యాణ్ కృష్ణ తెలిపారు.

ఆయన సపోర్ట్‌తోనే

తాను తొలి చిత్రం రవితేజతో చేయలేదు. ఆయన ఇచ్చిన సపోర్ట్ వలనే అవకాశాలు వచ్చే వరకు పోరాడగలిగానని కళ్యాణ్ కృష్ణ తెలిపాడు.

వాడుకోకుండా వదలడు

ముఖ్య అతిధిగా విచ్చేసిన పవన్ కళ్యాణ్ గురించి కళ్యాణ్ కృష్ణ మాట్లాడాడు. దేవుడు ఎవరికైనా పవర్ ఇచ్చాడంటే దానిని వాడుకోకుండా వదలదు. పవన్ కళ్యాణ్ గారికి ఇచ్చిన పవర్ ఆకాశమంత అని కళ్యాణ్ కృష్ణ అభిప్రాయ పడ్డాడు. అంటే ఆయన నుంచి దేవుడు చాలా ఆశిస్తున్నాడని, మేము కూడా ఆశిస్తున్నామని కళ్యాణ్ కృష్ణ పవన్ కళ్యాణ్ శుభాకాంక్షలు తెలియజేసాడు.