బాబాయ్ ఫోన్ చేశారు, మా అన్నయ్య 20ఏళ్ల వయసులో.. వెంటనే ఎన్టీఆర్‌కు ఫార్వర్డ్ చేశా.. కళ్యాణ్ రామ్!

నాకు నమ్మకం లేదు

కళ్యాణ్ రామ్ ఈ చిత్రంలో తన తండ్రి హరికృష్ణ పాత్ర పోషిస్తున్న సంగతి తెలిసిందే. దర్శకుడు క్రిష్ నా లుక్ సెట్ చేసిన చాలా మంది ఫోటోలు చూసి నాన్నగారిలాగే ఉన్నానని అన్నారు. కానీ నాకు మాత్రం నమ్మకం కుదర్లేదు. నేను సాధారణంగానే నాన్నగారిలా ఉండను. ఆయన లావుగా ఉంటారు. ఆయనది ఉంగరాల జుట్టు. అప్పటికి ఎంతో కష్టపడి 10 కేజీలుపెరిగా. ఇంకో 20 కేజీలు లావు పెరిగితే కానీ ఆయనలా కనిపించను అని కళ్యాణ్ రామ్ తెలిపాడు.

బాబాయ్ ఫోన్ చేశారు

దర్శకుడు క్రిష్ కి నా లుక్ నచ్చింది. బాబాయ్ కూడా ఫోటోలు చూసి వెంటనే ఫోన్ చేశారు. ఈ సమయంలో ఈయన ఎందుకు ఫోన్ చేస్తున్నారు అని అనుకున్నా. ఫోన్ లిఫ్ట్ చేయగానే.. అద్భుతంగా ఉన్నావు నాన్నా.. నీ లుక్ చాలా బావుంది. 20 ఏళ్ల వయసులో మా అన్నయ్య ఎలా ఉండేవారో అలానే ఉన్నావు అని బాబాయ్ అన్నారు. బాబాయ్ ప్రశంసించడంతో చాలా సంతోషంగా అనిపించింది. వెంటనే జూ. ఎన్టీఆర్ కి నా ఫోటోలు పంపా.

ఊహించలేదు

ఫోటోలు పంపించి ఎలా ఉన్నాయి నాన్న అని ఎన్టీఆర్ ని అడిగాను. అరె.. చాలా బాగా సెట్ అయింది అయింది అన్నా.. ఊహించలేదు అని ఎన్టీఆర్ అన్నాడు. నాన్నగారికి ఉంగరాల జుట్టు ఉంటుంది. నాకు అది బాగాసెట్ కావడంతో అందరికి నచ్చేసింది అని కళ్యాణ్ రామ్ తెలిపాడు. తొలి రోజు సెట్ లో బాబాయ్ కి నాకు మధ్య సీన్స్ లేవు. అయినా కూడా అయన వచ్చి నా నటనని గమనించారు. ఆయన ముందు కంగారు పడుతూనే నటించాను అని కళ్యాణ్ రామ్ తెలిపాడు.

చూడడానికే వచ్చా

నేను ఎన్టీఆర్ బయోపిక్ షూటింగ్ కి వెళ్లిన మొదటి రోజు బాబాయ్ సన్నివేశంలేదు. ఆయన రాగానే ఆశ్చర్యపోయా. మీరొచ్చారు ఏంటి బాబాయ్ అని అడిగా. ఎం రాకూడదా అని అన్నారు. ఇవాళ మీ సన్నివేశం లేదని అన్నారు అందుకే అడిగా అని బదులిచ్చా. ఏం లేదు.. నువ్వెలా నటిస్తున్నావో చూడాలని వచ్చా. మా అన్న ఎలా నటిస్తున్నాడో చూడాలని వచ్చానని బాబాయ్ అన్నారు. అంతే.. గురువు నా ముందు బెత్తంతో నిలబడ్డట్లుగా అనిపించింది. కంగారు పడుతూనే నటించానని కళ్యాణ్ రామ్ తెలిపాడు.