Don't Miss!
- News Lok Sabha Election 2024: నేడే తొలి దశ పోలింగ్, 102 స్థానాల్లో ఎన్నికలకు సర్వం సిద్ధం
- Sports PBKS vs MI: అతను అసాధారణ బ్యాటింగ్తో భయపెట్టాడు: హార్దిక్ పాండ్యా
- Lifestyle గుడ్నైట్ సందేశాలను ఇలా సరదాగా పంపుకోండి..
- Technology 40 గంటలకు పైగా బ్యాటరీ బ్యాకప్, ChatGPT వాయిస్ AI సపోర్టుతో నథింగ్ ఇయర్బడ్స్ విడుదల.. సేల్ వివరాలు!
- Automobiles గొప్ప మనసు చాటుకున్న రాఘవ లారెన్స్.. దివ్యాంగులకు టీవీఎస్ స్కూటర్ల పంపిణీ
- Finance Market Closing: నష్టాల్లోకి జారుకున్న సెన్సెక్స్-నిఫ్టీ.. ఆ రెండిటిపైనే అందరి కన్ను..
- Travel ఒంటిమిట్ట శ్రీ కోదండరామస్వామి ఆలయంలో టీటీడీ అన్నప్రసాదం ప్రారంభం..
హరికృష్ణపై ఎన్టీఆర్ చేయి వేసి.. 30 ఏళ్ల తరువాత మా బాబాయ్తో!
నందమూరి బాలకృష్ణ నటిస్తున్న తాజా చిత్రం ఎన్టీఆర్ బయోపిక్. ఎన్టీఆర్ కథానాయకుడు, ఎన్టీఆర్ మహానాయకుడు రెండు భాగాలుగా ఈచిత్రం తెరకెక్కుతోంది. బాలయ్య స్వయంగా తన తండ్రి ఎన్టీఆర్ పాత్ర పోషిస్తున్నాడు. ఈ చిత్రంలో నటించే ప్రముఖ నటీనటులు ఫస్ట్ లుక్స్ విడుదల చేస్తూ చిత్ర యూనిట్ విభిన్నంగా ప్రచార కార్యక్రమాలు నిర్వహిస్తోంది. ఎన్టీఆర్ జీవిత చరిత్ర, పైగా బాలయ్య స్వయంగా ఎన్టీఆర్ పాత్రలో నటిస్తునడంతో అంచనాలు ఆకాశాన్ని తాకుతున్నాయి. ఎన్టీఆర్ జీవిత విశేషాలని దర్శకుడు క్రిష్ వెండితెరపై ఆవిష్కరించబోతున్నాడు. ఈ చిత్రంలో నందమూరి కళ్యాణ్ రామ్ కూడా కీలక పాత్రలో నటిస్తున్నాడు. ఆ పాత్రకు సంబంధించిన ప్రీ లుక్ విడుదల చేశారు.
హరికృష్ణ పాత్రలో
కళ్యాణ్ రామ్ నటిస్తున్నది స్వయంగా తన తండ్రి హరికృష్ణ పాత్రలోనే. ఎన్టీఆర్ రాజకీయ జీవితంలో హరికృష్ణ ఎంత కీలక పాత్ర పోషించారో అందరికి తెలిసిందే. ఎన్టీఆర్ కు రథసారధిగా మారి వేలమైళ్ళు ప్రచార రథాన్ని నడిపించారు. ఎన్టీఆర్ తో కలసి అనేక చిత్రాల్లో కుడా హరికృష్ణ నటించారు.
30 ఏళ్ల తరువాత
ఎన్టీఆర్ బయోపిక్ లో హరికృష్ణ పాత్రలో ఉన్న తన ప్రీలుక్ ని కళ్యాణ్ రామ్ సోషల్ మీడియా ద్వారా విడుదల చేశాడు. ఈ లుక్ లో కళ్యాణ్ రామ్ ముఖం కనిపించకుండా వెనుకకు తిరిగి ఉన్నాడు. 30 ఏళ్ల క్రితం నేను బాబాయ్ తో కలసి బాలగోపాలుడు చిత్రంలో నటించా, మళ్ళీ ఇప్పుడు ఎన్టీఆర్ బయోపిక్ లో కలసి నటిస్తున్నామని కళ్యాణ్ రామ్ తెలిపాడు.
|
మా నాన్నగారిలా
బాబాయ్ వాళ్ళ నాన్నగారిలా, నేను మా నాన్నగారిలా నటిస్తున్నాం అంటూ ఎన్టీఆర్ బయోపిక్ లోని స్టిల్ విడుదుల చేశాడు. ఎన్టీఆర్ పాత్రలో బాలయ్య, హరికృష్ణ పాత్రలో ఉన్న కళ్యాణ్ రామ్ ప్రచార రథం వద్ద నిలబడి ఉన్నారు. బాలయ్య కళ్యాణ్ రామ్ పై చేయి వేసి మంతనాలు జరుపుతున్నట్లు ఈ స్టిల్ ఉంది.
తండ్రితో కలసి
హరికృష్ణ తన తండ్రి ఎన్టీఆర్ తో కలసి దానవీర సూర కర్ణ, తాతమ్మ కల వంటి చిత్రాల్లో నటించారు. ఎన్టీఆర్ రాజకీయాల్లోకి వచ్చిన తరువాత తండ్రికి రథసారధిగా మారి ప్రచారంలో కీలక పాత్ర పోషించారు. అలాంటి హరికృష్ణ పాత్రలో కళ్యాణ్ రామ్ నటిస్తుండడంతో ఆసక్తి పెరుగుతోంది. ఇటీవలే హరికృష్ణ రోడ్డు ప్రమాదంలో మృతి చెందిన సంగతి తెలిసిందే.
ప్రముఖ నటీనటులు
హరికృష్ణ పాత్రలో కళ్యాణ్ రామ్ నటిస్తుండగా మిగిలిన పాత్రలకు కూడా ప్రముఖ నటీనటులు ఎంపికయ్యారు. చంద్రబాబు పాత్రలో రానా, ఏఎన్నార్ పాత్రలో సుమంత్, శ్రీదేవి పాత్రలో రకుల్ ప్రీత్ సింగ్ నటిస్తున్న సంగతి తెలిసిందే. ఎన్టీఆర్ సతీమణి బసవతారకం పాత్రలో బాలీవుడ్ నటి విద్యాబాలన్ నటిస్తోంది.