హోమ్

న్యూస్

నందమూరి హీరో కళ్యాణ్ రామ్ కొత్త చిత్ర ఫస్ట్ లుక్ వచ్చేసింది. కళ్యాణ్ రామ్ తాజాగా కెవి గుహన్ దర్శకత్వంలో నటిస్తున్నాడు. సినిమాటోగ్రాఫర్ అయిన గుహన్ దర్శకుడిగా మారాడు. ఆసక్తికరమైన థ్రిల్లర్ గా ఈ చిత్రం రూపొందుతోంది. గురువారం రోజు కళ్యాణ్ రామ్ పుట్టిన రోజు కావడంతో కొద్దిసేపటి క్రితమే ఈ చిత్ర ఫస్ట్ లుక్ విడుదల చేశారు. కళ్యాణ్ రామ్ స్టైలిష్ లుక్ లో కనిపిస్తున్నాడు.

టైటిల్ ప్రకటించకుండా ఫస్ట్ లుక్ విడుదల చేశారు. బహుశా త్వరలోనే టైటిల్ ప్రకటిస్తారేమో. ఈ సమ్మర్ లో కళ్యాణ్ రామ్ రెండు చిత్రాలతో ప్రేక్షకుల ముందుకు వచ్చారు. మార్చి నెలలో ఎమ్మెల్యే చిత్రం విడుదల కాగా, జూన్ 14 న నా నువ్వే చిత్రం ప్రేక్షకుల ముందుకు వచ్చింది. ఈ రెండు చిత్రాలు ఆడియన్స్ ని నిరాశ పరిచాయి.

తాజాగా గుహన్ దర్శకత్వంలో రూపొందుతున్న చిత్రం విషయంలో కళ్యాణ్ రామ్ పకడ్బందీగా వ్యవహరిస్తున్నాడు. ఈస్ట్ కోస్ట్ ప్రొడక్షన్స్ సంస్థ ఈ చిత్రాన్ని నిర్మిస్తోంది. నివేద థామస్, షాలిని పాండే ఈ చిత్రంలో హీరోయిన్స్ గా నటిస్తున్నారు.