కారణం అమీర్ ఖానే, ఆత్మహత్య చేసుకుంటా: కెఆర్‌కె బెదిరింపులు

ఆత్మహత్య చేసుకుంటా

తన అకౌంట్ బ్లాక్ కావడంతో ట్విట్టర్ ఇండియాపై బెదిరింపులకు దిగాడు కెఆర్‌కె. వెంటనే తన అకౌంట్ యాక్టివేట్‌ చేయాలని, లేకపోతే ఆత్మహత్య చేసుకుంటానంటూ ప్రకటన విడుదల చేశారు.

కారణం అమీర్ ఖాన్ అంటూ ఆరోపణలు

తన ట్విటర్‌ అకౌంట్ సస్పెండ్‌ చేయించింది బాలీవుడ్‌ నటుడు ఆమీర్‌ ఖాన్ అని, అతడి తాజా సినిమా ‘సీక్రెట్ సూపర్ స్టార్' మీద తాను విమర్శలు చేయడం వల్లనే ఇదంతా చేయించాడని కెఆర్‌కె ఆరోపించారు.

15 రోజులు డెడ్‌లైన్ పెట్టిన కమాల్ ఆర్ ఖాన్

15 రోజుల్లో తన ట్విట్టర్ అకౌంట్ యాక్టివేట్‌ చేయాలని, లేకపోతే ఆత్మహత్య చేసుకుంటాను. నా చావుకు కారణమైన ట్విటర్‌ ఇండియా టీంను పోలీసులు అరెస్ట్‌ చేస్తారంటూ.... కెఆర్‌కె తన ట్విట్టర్లో పేర్కొన్నారు.

అసలు కారణం అదే..

ట్విట్టర్ వెబ్ సైట్ కెఆర్‌కె అకౌంట్ సస్పెండ్ చేయడానికి ప్రధాన కారణం... అతడి మీద వేల సంఖ్యలో కంప్లయింట్స్ ఉండటమే. తప్పుడు కామెంట్స్ చేస్తున్నాడని, ఇతరులను కించపరుస్తూ పబ్లిసిటీ పెంచుకునే ప్రయత్నం చేస్తున్నాడంటూ అతడి మీద ఫిర్యాదులు వెల్లువెత్తడంతో ట్విట్టర్ సంస్థ అతడి అకౌంట్ సస్పెండ్ చేసింది.