వివాదం: తాగుబోతు, ఇడియట్ అంటూ పెద్దాయనపై బూతులు!

By Bojja Kumar

Published: Thursday, May 19, 2016, 17:41 [IST]

హైదరాబాద్: బాలీవుడ్ నటుడు రిషి కపూర్ కాంగ్రెస్‌లోని గాంధీ కుటుంబంపై నిప్పులు కురిపించినసంగతి తెలిసిందే. దేశంలో ఎక్కడికెళ్ళినా ఇందిరా గాంధీ, రాజీవ్ గాంధీ పేర్లే కనిపిస్తున్నాయని, దేశానికి సేవ చేసినవాళ్ళు వీళ్ళిద్దరేనా? అని ట్విట్టర్ ప్రశ్నించారు. అయితే రిషి కపూర్ వ్యాఖ్యపై బాలీవుడ్ దర్శకుడు, నటుడు కమాల్ రషీద్ ఖాన్ మండి పడ్డారు. రిషి కపూర్ మీద ఎదురు దాడిప్రారంభించారు.

రిషి కపూర్ తాగి వాగుతున్నాడని, ఇందిరా గాంధీ లాంటి వారిని తిడుతూ ఇడియట్ లా ప్రవర్తిస్తున్నాడంటూ మండి పడ్డారు. అంతే కాకుండా హిందీలో కొన్ని బండ బూతులు కూడా రిషి కపూర్ మీద ప్రయోగించాడు కమాల్ ఆర్ ఖాన్.

కొన్ని రోజుల క్రితం 'సర్దార్ గబ్బర్ సింగ్' హిందీ విడుదలపై కూడా కమాల్ ఆర్ ఖాన్ పెద్ద రచ్చ చేసిన సంగతి తెలిసిందే. పవన్ కళ్యాణ్ ను అవమానిస్తూ ట్విట్టర్లో చాలా కామెంట్స్ చేసాడు. ఇపుడు రిషీ కపూర్ మీద ఎదురు దాడి చేసి వార్తల్లోకి ఎక్కాడు.

రిషి ట్విట్టర్లో కపూర్ ఏమన్నాడు?

రోడ్లు, విమానాశ్రయాలు, వివిధ సంస్థలకు ఇందిరా గాంధీ, రాజీవ్ గాంధీ పేర్లు పెట్టడంపై తన అభిప్రాయాలను రిషి కపూర్ ట్విటర్‌ ద్వారా వ్యక్తం చేసారు. కాంగ్రెస్ హయాంలో పెట్టిన అన్ని పేర్లనూ మార్చాలని డిమాండ్ చేశారు. ఢిల్లీ విమానాశ్రయానికి ఇందిరా గాంధీ అంతర్జాతీయ విమానాశ్రయం అన్న పేరును విమర్శించారు. మహాత్మా గాంధీ, భగత్ సింగ్, అంబేద్కర్ వంటివారి పేరుగానీ, లేదంటే తన పేరు (రిషి కపూర్) కానీ ఎందుకు పెట్ట కూడదని ప్రశ్నించారు. దేశంలోని ముఖ్యమైన ఆస్తులకు సమాజానికి సేవ చేసినవారి పేర్లు పెట్టాలన్నారు.

స్లైడ్ షోలో కమాల్ ఆర్ ఖాన్ ట్వీట్స్..