భారతీయుడు 2 రాజకీయ చిత్రమే.. విశ్వరూపం వివాదానికి కారణం చెప్పిన కమల్!

విశ్వరూపం వివాదం

విశ్వరూపం చిత్రం వివాదానికి గురికావడం కేవలం రాజకీయమే కారణం అని కమల్ హాసన్ అన్నారు. ఇకపై అలాంటి రాజకీయాలు చేయలేరని, ఎందుకంటే తాను కూడా ఇప్పుడు రాజకీయ నాయకుడినే అని కమల్ అన్నారు.

విశ్వరూపం 2 అలాంటి చిత్రం కాదు

విశ్వరూపం 2 చిత్రం తన పొలిటికల్ లాంచింగ్ కు ఉపయోగపడే చిత్రం కాదని, ఈ చిత్రంలో రాజకీయ అంశాలు ఉండవని స్పష్టం చేశారు. విశ్వరూపం చిత్రానికి ఇది కొనసాగిపు మాత్రమే అని తెలిపారు.

భారతీయుడు 2

భారతీయుడు 2 చిత్రం గురించి కమల్ హాసన్ ఆసక్తికరమైన ప్రకటన చేశారు. 1996 లో వచ్చిన భారతీయుడు చిత్రం ఘనవిజయం సాధించింది. ఆ చిత్రం విమర్శకుల ప్రశంసలు పొందింది. దానికి సీక్వెల్ గా రాబోతున్న భారతీయుడు 2 చిత్రం పూర్తిగా రాజకీయ చిత్రం అని కమల్ హాసన్ అన్నారు. ప్రస్తుత రాజకీయాలతో విసిగిపోయిన వారి ఆలోచనలకు అద్దం పట్టేలా ఆచిత్రం ఉంటుందని కమల్ స్పష్టం చేశారు.

విడుదల ఆలస్యానికి కారణం

చిత్రం ఆలస్యానికి కారణం అనుకోని కారణాలు అని కమల్ తెలిపాడు. కానీ చిత్ర అవుట్ పుట్ బాగా వచ్చిందని తెలిపాడు. విశ్వరూపం మొదటి భాగంలో నటించిన పూజా కుమార్ ఈ చిత్రంలో కూడా హీరోయిన్ గా నటించింది.