Don't Miss!
- Lifestyle వీర్య కణాల సంఖ్య ఫాస్ట్గా పెరగాలంటే ఇవి వెంటనే తినండి..!
- Sports SRH ఎఫెక్ట్తో IPLలో కొత్త రూల్: బౌలర్లకు గుడ్ & బ్యాటర్లకు బ్యాడ్ న్యూస్!
- Technology 200MP కెమెరాతో వచ్చే Honor 90 ఫోన్ పై భారీ ఆఫర్! తక్కువ ధరకే పొందండి
- News రాయలసీమ నెత్తిన పాలు పోసిన మోడీ
- Finance IT News: ఇది శిక్ష-శిక్షణా.. TCS టెక్కీల కన్నీళ్లు.. అన్నంతపని చేసేసిన టెక్ దిగ్గజం..
- Automobiles మండే వేసవిలో ట్రాఫిక్ పోలీసులకు చల్లచల్లని ఏసీ హెల్మెట్లు.. ఎక్కడో తెలుసా.??
- Travel Hanuman Jayanti 2024 : ఢిల్లీలోని ఈ పురాతన హనుమాన్ దేవాలయాలను చూడాల్సిందే..!
నక్సలిజం బ్యాక్డ్రాప్లో కమలినీ ముఖర్జీ..డిటేల్స్
ఆనంద్ తో పరిచయమైన కమిలినీ ముఖర్జీ ఆ తర్వాత శేఖర్ కమ్ముల చిత్రాల్లో నటిస్తూ బ్రహ్మానందం డ్రామా కంపెనీ, గోపి,గోపిక,గోదావరి వంటి చిత్రాలు చేసింది. అయితే ఏ చిత్రమూ ఆ తర్వాత ఆమెకు బ్రేక్ ఇవ్వలేదు. అయితే తాజాగా ఆమె శ్రీకాంత్ సరసన 'విరోధి" చిత్రంలో బుక్కయింది. శ్రీకాంత్, కమలినీ ముఖర్జీ జంటగా మేకా మీడియా పతాకంపై నీలకంఠ దర్శకత్వంలో అనిల్ మేకా నిర్మిస్తున్న చిత్రం 'విరోధి". ఈ చిత్రం ప్రస్తుతం షూటింగ్ పూర్తి చేసుకుని నిర్మాణాంతర కార్యక్రమాలు జరుపుకుంటోంది. చిత్రానికి సంబంధించిన లోగోని కృష్ణవంశీ ఆవిష్కరించారు.
ఈ సందర్భంగా చిత్ర దర్శకుడు నీలకంఠ మాట్లాడుతూ- 'నా మనసులో ఎప్పట్నుంచో అనుకుంటున్న ఓ మంచి పవర్ఫుల్ సబ్జెక్ట్తో ఈ చిత్రాన్ని రూపొందించాను. ప్రస్తుతం సమాజంలో వాస్తవ పరిస్థితులకు అద్దం పడుతూ ఈ చిత్రం ప్రేక్షకులను ఆకట్టుకుంటుంది. నక్సలిజం బ్యాక్డ్రాప్లో చిత్రాన్ని నిర్మించినా నక్సలిజం మాత్రం ఎక్కడా కనపడదు. శ్రీకాంత్ సరికొత్త కథతో సరికొత్త పాత్రలో ఈ చిత్రంలో కనిపిస్తాడు. ఇప్పటి వర్తమాన కాలానికి ఈ చిత్రం అవసరమని ప్రతి ఒక్కరూ ఒప్పుకుంటార"ని తెలిపారు.
ఈ కార్యక్రమంలో శ్రీకాంత్ జన్మదినోత్సవ సందర్భంగా కేక్ కట్ చేశారు. త్వరలో విడుదల కానున్న ఈ చిత్రంలో అజయ్, కమల్ కామరాజు, శ్రీరమ్య, రవివర్మ, శివాజీరాజా, ఆహుతి ప్రసాద్, నాగినీడు తదితరులు నటించారు. ఈ చిత్రానికి కెమెరా: హెచ్.ఎం.రామచంద్ర, సంగీతం: ఆర్.పి.పట్నాయక్, ఎడిటింగ్: శంకర్, డాన్స్: సుచిత్రా చంద్రబోస్, నిర్మాత: మేకా అనిల్, రచన, దర్శకత్వం: నీలకంఠ.