Don't Miss!
- News డెడ్ లైన్ పెట్టిన ఎంపీ సుమలత, ఆ రోజు తేలిపోతుంది, టెన్షన్ పడుతున్న మాజీ సీఎం !
- Finance Ambani-Adani: చేతులు కలిపిన అంబానీ-అదానీ.. 20 ఏళ్లకు అగ్రిమెంట్.. ఆ స్టాక్ దూకుడు..
- Automobiles హ్యుందాయ్ కస్టమర్లకు అదిరిపోయే న్యూస్.. వేసవిలో ప్రత్యేకంగా సర్వీస్ క్యాంప్.. ఎప్పటివరకు అంటే.??
- Sports హార్దిక్పై కోపంగా మలింగ.. కారణమదేనా? Video
- Travel చారిత్రాత్మకమైన నగరమైన గ్వాలియర్లో సందర్శించాల్సిన ప్రదేశాలివే..!
- Lifestyle నోరూరించే పచ్చి మామిడికాయ గొజ్జు మామిడికాయ కర్రీ వేడివేడి అన్నంతో తింటుంటే ఆహా అనాల్సిందే..
- Technology ఆపిల్ వరల్డ్ వైడ్ డెవలపర్ కాన్ఫరెన్స్ 2024 తేదీ వెల్లడి.. iOS 18, GenAI పై కీలక ప్రకటనలకు అవకాశం..!
కమిలినీ ముఖర్జీ కొత్త చిత్రం ప్రారంభం
కమిలినీ ముఖర్జీ, వేణు జంటగా నిర్మించే తాజా చిత్రం షూటింగ్ గురువారం రామానాయుడు స్టూడియోలో ప్రారంభమైంది. ఈ చిత్రానికి జి.ఈశ్వర్ దర్శకుడు. దేవుడి ఫొటోలపై చిత్రీకరించిన ముహూర్తపు షాట్ కు దర్శకుడు ఇవివి సత్యనారాయణ క్లాప్ నివ్వగా, చిత్ర నిర్మాత పివి శ్యామ్ ప్రసాద్ కెమేరా స్విచ్ఆన్ చేశారు. హీరోయిన్ కమలినీ ముఖర్జీ గౌరవ దర్శకత్వం వహించారు. గతంలో స్వయంవరం', 'చిరునవ్వుతో', '10 క్లాస్', 'కళ్యాణరాముడు' తదితర చిత్రాలను నిర్మించిన ఎస్.పి.ఎంటర్ టైన్ మెంట్స్ సంస్థ ఈ చిత్రాన్ని నిర్మిస్తోంది.
ఈ సందర్భంగా నిర్మాత పివి శ్యామ్ ప్రసాద్ చిత్ర విశేషాలు తెలుపుతూ...'మలయాళంలో హిట్ అయిన 'సిఐడి మూస' చిత్రం ఆధారంగా ఈ సినిమాని నిర్మిస్తున్నాం. ఆద్యంతం వినోదాన్ని పంచుతూ చిన్న ఫీల్ తో సినిమా పూర్తవుతుంది. జూలై మొదటి వారంలో రెగ్యులర్ షూటింగ్ ప్రారంభించి, హైదరాబాద్ పరిసర ప్రాంతాల్లో సింగిల్ షెడ్యూల్లో పూర్తి చేస్తాం' అన్నారు.
హీరో వేణు మాట్లాడుతూ 'నా మాతృసంస్థలో చిన్న గ్యాప్ తర్వాత ఈ సినిమా చేస్తున్నందుకు ఆనందంగా ఉంది. వినోదానికి పెద్ద పీట వేస్తూ ఫుల్లెంగ్త్ ఎంటర్టైనర్గా చిత్రం ఉంటుంది. ఇంతవరకూ నేను చేయని పాత్ర ఇందులో చేస్తున్నాను' అన్నారు.
బ్రహ్మానందం, ఆలీ, కోట, ఎం.ఎస్.నారాయణ, జయప్రకాష్ రెడ్డి, గిరిబాబు, ఎల్.బి. శ్రీరామ్, రఘుబాబు తదితరులు నటించే ఈ చిత్రానికి కథా విస్తరణ: ఎన్.వి.వి. చౌదరి, బి.సుమంత్, మాటలు: విక్రమ్రాజ్, డుంగ్రోత్ నాగరాజు నాయక్, పాటలు: రామజోగయ్యశాస్త్రి, సంగీతం: మణిశర్మ, ఫొటోగ్రఫీ: కె.ప్రసాద్, నిర్మాత: పి.వి. శ్యామ్ ప్రసాద్, దర్శకత్వం: జి. ఈశ్వర్.