కామనా జెఠ్మలానీకి ఎందుకంత డిమాండ్?

By Staff

| Published: Thursday, October 30, 2008, 15:38 [IST]

అభినయం కన్నా అందం ఎక్కువగా ఉండే కామనా జెఠ్మలానీ ఇప్పుడు తెలుగులోనే కాదు తమిళంలో కూడా బిజీ అయింది. "ప్రేమికులు" సినిమా ద్వారా తెలుగుతెరకు పరిచయమైన కామన గోపీచంద్ "రణం" సినిమా ద్వారా బాగా పాపులర్ అయ్యింది. ఇప్పుడామె రవిరాజా పినిశెట్టి దర్శకత్వం వహిస్తున్న "అందమైన అబద్ధం" సినిమాలో నటిస్తోంది. చక్కటి కథతో రూపొందుతున్న ఈ సినిమా ఆమెకు మంచి పేరు తెచ్చే అవకాశముంది. ఈ సినిమా భూమిక నటించిన "మల్లెపువ్వు" సినిమాని నిర్మించిన మోహన్ వడ్లపట్ల ఈ సినిమా తీస్తున్నారు.

తమిళంలో రాఘవ లారెన్స్ సినిమా "రాజాధిరాజా"లో ఐదుగురు హీరోయిన్లలో కామన ఒకరు. తమిళంలో ఆమె మరో రెండు సినిమాలు అంగీకరించినట్టు సమాచారం. తెలుగు, తమిళ సినిమాల్లో బిజీ అయినందుకు ఆనందగా ఉందని, తెలుగువారు, తమిళులు తనను సమానంగా ఆదరిస్తున్నారని ఆమె చెప్పింది.