నాలో సెక్స్ ఎలిమింటా? కంగనా

'రాజ్‌ 2' సినిమాలో నటించిన కంగనా రనౌత్‌ మీకు తెలుసు. 'గ్యాంగ్‌ స్టర్‌' నుంచి మొదలుపెట్టి 'వో లమ్హే', 'మెట్రో', 'ఫ్యాషన్‌', ఇప్పుడు 'రాజ్‌ 2' సినిమాలతో ఆమె దేశవ్యాప్తంగా అభిమానులను సంపాదించుకుంది. సెక్సీతారగా, హాట్‌ హీరోయిన్‌గా అందరూ ఆమెని పిలుస్తుంటే, ఆమెది మాత్రం అందుకు విరుద్ధమైన అభిప్రాయం. "కురుచ దుస్తులు ధరించినప్పటికీ, నేను వల్గర్‌గా కనిపిస్తానని అనుకోను. నాలో సెక్సీతనం బాగా తక్కువ. సెక్సీ ఇమేజ్‌ని నేను కోరుకోవడం లేదు.

నేను నటించడానికే ఈ రంగంలోకి వచ్చా. ఆ పనే చేస్తా'' అని ఆమె తెలిపింది. తనకూ, తన ప్రియుడైన అధ్యాయన్‌ తండ్రి శేఖర్‌ సుమన్‌కూ మధ్య విభేదాలున్నాయనే సంగతిని ఆమె కొట్టివేసింది. శేఖర్‌కీ, మోహిత్‌ సురి ('రాజ్‌ 2' దర్శకుడు)కీ మధ్య ఇటీవల జరిగిన వాగ్యుద్ధం సందర్భంగా మీడియా అనవసరంగా తన పేరు పైకి తీసుకొచ్చిందనేది ఆమె ఆరోపణ. ఏదేమైనప్పటికీ సినిమాల్లో కురుచ దుస్తుల్లో కనిపించినప్పుడల్లా ఆమె యువతను ఆకట్టుకుందనేది నిస్సందేహం. ఒకవైపు కెరీర్‌, మరోవైపు లవ్‌ లైఫ్‌.. రెండూ బాగుండటంతో ఆమె ముఖంలో ఆనందం వెల్లి విరుస్తోంది.