హోమ్

న్యూస్

హైదరాబాద్: బాలీవుడ్ సెన్సేషన్ కంగనా రనౌత్ కెరీర్ మొదట్లో ఎన్ని ఇబ్బందులు పడిందో ఇటీవల ఓ సందర్భంలో చెప్పుకొచ్చారు. సెక్సువల్‌గా వేధింపులు ఎదుర్కొన్నానని, దాడి కూడా జరిగిందని ఆమె చెప్పుకొచ్చారు. జర్నలిస్ట్ బర్ఖా దత్ బుక్ ‘ది అన్ క్వైట్ ఇండియా' ప్రారంభోత్సవ కార్యక్రమంలో ఈ కామెంట్స్ చేసారు.

నేను సినిమా ఇండస్ట్రీకి వచ్చిన తొలి నాళ్లలో... నాకు 17 ఏళ్ల వయసు ఉన్నపుడు ఓ సెలబ్రిటీ నన్ను సెక్సువల్‌గా వేధించాడు. నా తలపై దాడి చేయడంతో రక్తస్రావం జరిగింది. ఆ సెలబ్రిటీకి నా తండ్రి వయసు ఉంటుంది. ఈ విషయమై అప్పట్లో నేను పోలీసులకు ఫిర్యాదు చేసినా.... అతనికి సమాజంలో బాగా పలుకుబడి ఉండటంతో కేవలం వార్నింగ్ ఇచ్చి వదిలి పెట్టారు అని తెలిపారు. అయితే ఆ సెలబ్రిటీ ఎవరు? అనే విషయం మాత్రం కంగన రనౌత్ బయట పెట్టలేదు.

ఎవరి అండ లేకుండా సినిమా రంగంలో ఎదిగిన హీరోయిన్లలో కంగనా రనౌత్ ఒకరు. ఇండస్ట్రీలోకి అడుగు పెట్టిన తొలి సంవత్సరాలు ఆమె దుర్భర పరిస్థితులను ఎదుర్కొన్నారు. అయితే క్రమ క్రమంగా మంచి అవకాశాలు రావడం, హిట్స్ తన ఖాతాలో పడటంతో స్టార్ హీరోయిన్ గా ఎదిగింది.

కంగనా రనౌత్ కెరీర్లో బాగా గుర్తింపు తెచ్చిన చిత్రం ‘క్వీన్'. ఈ సినిమాలో నటనకు ఆమె ఎన్నో అవార్డులు కూడా అందుకున్నారు. ‘తను వెడ్స్ మను రిటర్న్స్' కూడా కెరీర్లో మంచి కమర్షియల్ హిట్ గా నిలిచింది.