మాఫియా నాయకుడుతో తో జీవితం...కంగనా రనౌత్

ఏక్ నిరంజన్ తో తెలుగువారికి పరిచయమైన కంగనారౌనత్ తాజాగా...అండర్ ‌వరల్డ్‌ ముఠా నాయకుడి (హాజీ మస్తాన్‌) భార్య సోనా గా కనిపించనుంది. ముంబై అండర్ వరల్డ్ నేపధ్యంలో తెరకెక్కుతున్న 'వన్స్‌ అపాన్‌ ఏ టైమ్‌ ఇన్‌ ముంబయ్‌' చిత్రంలో ఆమె చేసే ఈ పాత్ర పేరు తెచ్చిపెడుతుందని ఆశిస్తోంది. ఈ విషయాన్ని కంగనా ముంబై మీడియాకు చెపుతూ...'నిజ జీవితంలో హాజీ..మధుబాల అభిమాని. సోనా కూడా మధూలాగే ఉండటంతో ఆమెతో ప్రేమలోపడతాడు. నా పాత్ర (రెహానా) ఆ ఇద్దరినీ తలపిస్తుంది. జీవితంలో ఎన్నో సమస్యలున్న మధుబాల వంటి సూపర్‌స్టార్‌ తరహా పోలికలు రెహానాలోనూ ఉన్నాయని వివరించింది. ఇక కంగనా ఇంతకు ముందుకూడా 'గ్యాంగ్‌ స్టర్‌' అనే చిత్రంలో ఇలాంటి పాత్రనే పోషించి మెప్పించింది. ఇక ఈ పాత్ర కోసం ఆమె నిన్నటితరం నటీమణులు జీనత్‌ అమన్‌, పర్వీన్‌ బాబి.. చేసిన పాత్రలు గమనిస్తోంది.