Don't Miss!
- Technology Android 15 Features ఆండ్రాయిడ్ 15 లో క్వారంటైన్ ఫీచర్.. ఎలా పనిచేస్తుంది.. ఏంటి ఉపయోగం..??
- Finance Amit Shah: ఆ కంపెనీల్లో అమిత్ షా పెట్టుబడులు.. హోం మంత్రి పోర్ట్ఫోలియోలో టాప్-10 స్టాక్స్ ఇవే
- News కేంద్రంలో బీజేపీకి సంపూర్ణ మెజారిటీ రాకపోతే..: జగన్ నోటి వెంట జాతీయ రాజకీయాలు
- Lifestyle వీర్య కణాల సంఖ్య ఫాస్ట్గా పెరగాలంటే ఇవి వెంటనే తినండి..!
- Sports SRH ఎఫెక్ట్తో IPLలో కొత్త రూల్: బౌలర్లకు గుడ్ & బ్యాటర్లకు బ్యాడ్ న్యూస్!
- Automobiles మండే వేసవిలో ట్రాఫిక్ పోలీసులకు చల్లచల్లని ఏసీ హెల్మెట్లు.. ఎక్కడో తెలుసా.??
- Travel Hanuman Jayanti 2024 : ఢిల్లీలోని ఈ పురాతన హనుమాన్ దేవాలయాలను చూడాల్సిందే..!
ప్రముఖ కన్నడ సీరియల్ నటి, నటుడు దుర్మరణం: పార్క్ చేసిన ట్యాంకర్ ను కారు ఢీకొని !
పుణ్యక్షేత్రానికి వెళ్లి బెంగళూరు తిరిగి వస్తున్న సమయంలో జరిగిన రోడ్డు ప్రమాదంలో కన్నడ టీవీ సీరియల్ ప్రముఖ నటీ, నటుడు దుర్మరణం చెందిన ఘటన కర్ణాటకలోని మాగడి తాలుకా సోలూరు సమీపంలో జరిగింది. ఈ ప్రమాదంలో
బెంగళూరు: పుణ్యక్షేత్రానికి వెళ్లి బెంగళూరు తిరిగి వస్తున్న సమయంలో జరిగిన రోడ్డు ప్రమాదంలో కన్నడ టీవీ సీరియల్ ప్రముఖ నటీ, నటుడు దుర్మరణం చెందిన ఘటన కర్ణాటకలోని మాగడి తాలుకా సోలూరు సమీపంలో జరిగింది. ఈ ప్రమాదంలో మరికొందరికి తీవ్రగాయాలైనాయి.
మహానది, త్రివేణి సంగమ, మధుబాల తదితర సూపర్ హిట్ సీరియల్స్ లో ప్రధాన పాత్ర పోషించిన నటి రచనా (23), నటుడు జీవన్ (25) దుర్మరణం చెందారు. ఈ ప్రమాదంలో రంజిత్, ఉత్తమ్, హోన్నేష్, కార్తిక్, ఎరిక్ అనే యువకులకు తీవ్రగాయాలై హర్షా ఆసుపత్రిలో చికిత్స పొందుతున్నారని పోలీసులు చెప్పారు.
కార్తిక్ పుట్టిన రోజు సందర్బంగా బుధవారం అందరూ బెంగళూరు గ్రామీణ జిల్లాలోని ప్రముఖ పుణ్యక్షేత్రం కుక్కేసుబ్రమణ్య దేవస్థానంకు వెళ్లారు. అక్కడే ఆలయంలో ప్రత్యేక పూజలు చేసి కార్తిక్ పుట్టిన రోజు వేడుకలు నిర్వహించారు.
గురువారం వేకువ జామున సఫారీ కారులో అందరూ బెంగళూరు బయలుదేరారు. మార్గం మధ్యలో మాగడి తాలుకా సోలూరు సమీపంలోని జాతీయరహదారి 48లో రోడ్డు పక్కన నిలిపి ఉన్న ట్యాంకర్ ను సఫారీ కారు ఢీకొనింది. ఈ ప్రమాదంలో నటి రచనా, నటుడు జీవన్ దుర్మరణం చెందారు.
రోడ్డు ప్రమాదంలో తీవ్రగాయాలైన వారిని స్థానికులు రక్షించి పోలీసులకు సమాచారం ఇచ్చారు. పోలీసులు బాధితులను 108 వాహనాల్లో హర్షా ఆసుపత్రికి తరలించారు. మద్యం మత్తులో వాహనం నడిపి రోడ్డు పక్కన నిలిపి ఉన్న ట్యాంకర్ ను ఢీకొన్నారా ? లేక ఆకస్మికంగా ప్రమాదం జరిగిందా ? అని దర్యాప్తు చేస్తున్నామని కుదూరు పోలీసులు తెలిపారు.