ప్రియుడు ఒక్కడే చాలు...

By Staff

| Published: Monday, September 22, 2008, 14:14 [IST]

బాలీవుడ్‌ నటి కరీనా కపూర్‌ తన జన్మదినోత్సవాన్ని శనివారం జమ్మూకాశ్మీరులోని కార్గిల్‌లో జరుపుకుంది. ఇక ఆమె ఈ వేడుకకు తన ప్రియుడు సైఫ్‌ ఆలీ ఖాన్‌ను మాత్రమే ఆమె ఆహ్వానించింది. లేహ్‌లో అమీర్‌ఖాన్‌ హీరోగా నటిస్తున్న చిత్రం షూటింగ్‌లో పాల్గొన్న కరీనా శనివారం ఉదయం కార్గిల్‌కు వచ్చారు. సైఫ్‌ అలీ ఖాన్‌ ముంబయి నుంచి శ్రీనగర్‌కు వచ్చి.. అక్కడి నుంచి రోడ్డు మార్గంలో ఈ పట్టణానికి చేరుకున్నారు.

వాస్తవానికి కార్గిల్‌లోని డి-జొగెలా హోటల్‌లో వీరు ఉన్నారన్న విషయం తెలియగానే వందలాది మంది అభిమానులు అక్కడ బారులు తీరారు.అయితే ఆమె ఎవరినీ పట్టించుకోలేదు. చివరకి బయిటకు వచ్చి చిన్న విష్ కూడా చేయలేదు. కరీనా జన్మదినోత్సవ వేడుకలో సైఫ్‌ ఒక్కరే పాల్గొన్నారని హోటల్‌ సిబ్బంది తెలిపారు. వారు తమ గదిలోనే ఉండిపోయారని.. బయట ఉన్న అభిమానులను పలకరించడానికి రాలేదని చెప్పారు.అయినా ఆమె ప్రియుడొక్కడుంటే చాలని ఫీలయి ఉంటుంది అని బాలీవుడ్ వాసులు వ్యాఖ్యానిస్తున్నారు.