సిగరెట్ కాలుస్తున్న హీరోయిన్ పై అభ్యంతరం

News

oi-Surya Prakash

By Srikanya

| Published: Sunday, July 22, 2012, 11:05 [IST]

కరీనా కపూర్ తాజా చిత్రం 'హీరోయిన్'లో పాత్ర డిమాండ్ చేసిన మేరకు మద్యం పుచ్చుకున్నారు, సిగరెట్ కాల్చారు. మధుర్ బండార్కర్ దర్శకత్వంలో రూపొందిన ఈ చిత్రం సెప్టెంబర్‌లో విడుదల కానుంది. ఈ నేపథ్యంలో ట్రైలర్ విడుదల చేయాలనుకున్నారు. ట్రైలర్స్‌కి కూడా సెన్సార్ బోర్డ్‌వారి అనుమతి కావాలి కాబట్టి, వారికి ఆ ట్రైలర్‌ను చూపించారు. కరీనా 'జీరో సైజ్'కి మారినప్పుడు చాలామంది అమ్మాయిలు కడుపు మాడ్చుకుని ఆ సైజ్‌కి మారారు.

ఇప్పుడు కరీనా సిగెరట్ కాల్చే ఈ సీన్ కూడా యువతను ప్రభావితం చేస్తుందని సెన్సార్ బోర్డ్ సభ్యులు భావించారు. సినిమాలో అయితే ఇలాంటి సన్నివేశాలు వచ్చినప్పుడు 'చట్టరీత్యా నేరం అని, ఆరోగ్యానికి హానికరం' అని పొందుపరుస్తారు. ట్రైలర్‌లో అలా చేయరు కాబట్టి... ఆ దృశ్యాలను 'బ్లర్' (అస్పష్టం) చేయమని పేర్కొన్నారు సెన్సార్ బోర్డ్ సభ్యులు. అలాగే సినిమాలో కూడా ఈ సన్నివేశాలను బ్లర్ చేయమని చెప్పారు.

ఇక ఈ చిత్రం మనీషా కొయరాలా జీవిత చరిత్ర ఆధారంగా సినిమా చేస్తున్నారంటూ వచ్చిన వార్త లు వస్తున్నాయి. మధూర్ బండార్కర్ దర్శకత్వంలో కరీనాకపూర్ ప్రధాన పాత్రలో రూపొందుతున్న హీరోయిన్ చిత్రం మనీషా జీవిత చరిత్ర ఆధారంగానే అని వినపడుతోంది. 1990-2005 ల మధ్య జరిగిన ఆమె జీవత ఎత్తు పల్లాలను సినిమాలో చూపిస్తాడని చెప్పుకుంటున్నారు.

అలాగే ఆమె ఆల్కహాల్ కు బానిస అవ్వటం,ఓ వెలుగు వెలిగిన ఆమె జీవితం ఇలా ఇబ్బందికరంగా తయారవటం ప్రధానాంశాలు అంటున్నారు. అలాగే సెకండాఫ్ లో ఆమె వివాహ జీవితం ఫెయిల్యూర్ అవ్వటం కూడా ఉంటుందని చెప్పుకుంటున్నారు. అయితే ఆ విషయాన్ని దర్శకుడు మధూర్ ఖండిస్తున్నాడు. నో..నో..నా చిత్రం ప్రత్యేకంగా ఎవరి జీవితాన్ని ఉద్దేశించి కాదు అంటున్నాడు. ఇక రీసెంట్ గా మనీషా కొయరాల తాగి ఓ పంక్షన్ కి వెళ్లి మీడియా కళ్లల్లో పడిన సంగతి తెలిసిందే. ఆమె ప్రస్తుతం బాలీవుడ్ లో తల్లి పాత్రలకు ట్రై చేస్తోంది.