Don't Miss!
- Lifestyle ప్రాణాలకు ముప్పు ఉందని తెలిపే హీట్ స్ట్రోక్ లక్షణాలు
- Technology Truecaller Spam Model స్పామ్ కాల్స్కు చెక్ పెట్టేందుకు ట్రూకాలర్ కొత్త టూల్ విడుదల..!
- Finance Jhunjhunwala News: కంపెనీలో 5 లక్షల షేర్లు కొన్న జున్జున్వాలా.. నష్టాల మార్కెట్లోనూ స్టాక్ ర్యాలీ..
- News ప్రచారం పక్కనపెట్టి గర్భిణీకి ప్రసవం.. దర్శి టీడీపీ అభ్యర్థికి హ్యాట్సాఫ్!!
- Sports అనూహ్య ఘటనను ఎదుర్కొన్న రోహిత్ శర్మ
- Travel ట్రైన్ జర్నీలో ఆరు రోజులపాటు సాగే తిరుపతి టు ఊటీ టూర్ ప్యాకేజీ..వివరాలివే..!
- Automobiles 25 దేశాల్లో రాయల్ ఎన్ఫీల్డ్ బైక్ రెంటల్స్ అండ్ టూర్స్ సర్వీస్.. RE ఫ్యాన్స్కు పండగే
'లీలా కీ లీలా'.. భన్సాలీ తల్లిపై సినిమా: కర్ణిసేన సంచలనం, దర్శకుడు ఎవరంటే?
Recommended Video
వివాదాలే నడుమనే విడుదలైన 'పద్మావత్' హిట్ టాక్ తెచ్చుకుంది. బాలీవుడ్లో 'వన్ ఆఫ్ ది బెస్ట్ క్లాసిక్స్'గా ఈ సినిమా నిలిచిపోతుందన్న ప్రశంసలను కూడా దక్కించుకుంది. ఇక కర్ణిసేన ఆరోపిస్తున్నట్లు ఈ సినిమాలో 'పద్మావతి' పాత్రను ఎక్కడా అసభ్యంగా చూపించలేదని, అలాగే రాజ్పుత్ల గురించి గొప్పగా చెప్పారు తప్పితే ఎక్కడా వాళ్లను తక్కువ చేయలేదని చెబుతున్నారు. అయినా సరే, కర్ణిసేన మాత్రం శాంతించడం లేదు. నిన్న మొన్నటిదాకా దాడులతో వివాదాన్ని రాజేసిన కర్ణిసేన.. ఇప్పుడు భన్సాలీకి కౌంటర్గా సినిమా మొదలుపెడుతామని ప్రకటించడం గమనార్హం.
'పద్మావతి'కి సెన్సార్ బిగ్ షాక్: క్లియరెన్స్ ఇచ్చినట్లే ఇచ్చి!..
భన్సాలీ తల్లిపై సినిమా:
'పద్మావత్' చిత్ర దర్శకుడు సంజయ్ లీలా భన్సాలీ తల్లి జీవితాధారంగా సినిమా తీస్తామని రాజస్థాన్కు చెందిన కర్ణిసేన ప్రకటించింది. తమ వాదనను, ఆందోళనను లెక్క చేయకుండా 'పద్మావత్'ను విడుదల చేసినందుకు ఆయన తల్లిపై సినిమా చేసి తీరుతామని ప్రకటించింది.
టైటిల్ 'లీలా కీ లీలా'..:
భన్సాలీ తల్లి జీవిత చరిత్ర ఆధారంగా ఈ సినిమా తెరకెక్కిస్తామని, దీనికి 'లీలా కీ లీలా' అనే టైటిల్ పెట్టబోతున్నామని కర్ణిసేన కార్యకర్తలు వెల్లడించారు. చిత్తోర్గఢ్ ప్రాంగణంలో కర్ణిసేన జిల్లా అధ్యక్షుడు గోవింద్ సింగ్ మీడియాతో సమావేశమైన సందర్భంగా ఈ వివరాలు వెల్లడించారు.
దర్శకుడెవరు?:
మరో 15 రోజుల్లో సంజయ్ లీలా భన్సాలీ తల్లిపై సినిమా మొదలుపెట్టబోతున్నామని, అరవింద్ వ్యాస్ అనే దర్శకుడు ఈ సినిమాను తెరకెక్కిస్తాడని తెలిపారు. ఈ చిత్ర షూటింగ్ అంతా రాజస్థాన్ లోనే జరుగుతుందని చెప్పారు.
అవమానించినందుకే!:
భన్సాలీ తమ తల్లి 'పద్మావతి'ని అవమానించాడు కాబట్టే.. ఇప్పుడు మేము ఆయన తల్లి జీవిత చరిత్ర ఆధారంగా సినిమా తీయబోతున్నామని కర్ణిసేన వెల్లడించింది. అయితే భన్సాలీ తమ తల్లిని అవమానించాడని, సినిమాలో మేము ఆయన తల్లిని అవమానించమని కర్ణిసేన పేర్కొనడం గమనార్హం.
ప్రివ్యూ కలెక్షన్స్:
భన్సాలీ దర్శకత్వంలో తెరకెక్కిన 'పద్మావత్' గురువారం ప్రేక్షకుల ముందుకు వచ్చింది. అంతకుముందు బుధవారం పలు చోట్ల ప్రివ్యూలు ప్రదర్శించారు. ప్రివ్యూల ద్వారా రూ.5కోట్ల కలెక్షన్లు వసూలైనట్లు సమాచారం. సినిమాకు హిట్ టాక్ రావడంతో కలెక్షన్ల జోరు మరింత పెరగనుంది. సినిమాలో దీపికా, షాహిద్, రణ్ వీర్ల నటన అద్భుతంగా ఉందని విశ్లేషకులు అభిప్రాయపడుతున్నారు.