For Quick Alerts
    ALLOW NOTIFICATIONS  
    For Daily Alerts

    అన్నంత పనీ చేశారు: పద్మావతి థియేటర్లమీద మొదలైన దాడి

    |
    Padmavathi : Karni Sena Members Vandalise Cinema Hall In Kota Over Trailer Screening

    బాలీవుడ్ దర్శకుడు సంజయ్ లీలా భన్సాలీ ప్రతిష్టాత్మకంగా తెరకెక్కించిన పద్మావతి చిత్రంపై వివాదాలు ఇప్పట్లో సద్దుమణిగేలా లేవు. ఆ చిత్రంలో పద్మావతి పాత్రను వక్రీకరించారని ఆ చిత్ర విడుదలను నిలిపివేయాలని పలువురు డిమాండ్ చేస్తున్న సంగతి తెలిసిందే.

    థియేటర్ పై దాడి

    థియేటర్ పై దాడి

    ఎవరెన్ని ప్రయత్నాలు చేసినా 'పద్మావతి' చిత్ర విడుదలను ఆపలేరని ఆ చిత్ర హీరోయిన్ దీపికా పదుకొనే చెప్పింది. ఆ చిత్రంలో నటించినందుకు ఒక మహిళగా తాను చాలా గర్వపడుతున్నానని తెలిపింది.అయితే ఆ ప్రకటన వెలువడిన రోజే పద్మావతి చిత్ర ట్రైలర్ ను ప్రదర్శించిన థియేటర్ పై దాడి జరిగింది.

     థియేటర్లపై దాడి చేస్తాం

    థియేటర్లపై దాడి చేస్తాం

    మాకు చూపించకుండా ఆ చిత్రాన్ని ప్రదర్శిస్తే థియేటర్లపై దాడి చేస్తాం...అంటూ కొన్నాళ్లుగా వస్తున్న బెదిరింపులను నిజం చేస్తూ రాజస్థాన్ లోని కోటాలో ఉన్న ఆకాశ్ థియేటర్ ను కర్ణిసేన ఆధ్వర్యంలో రాజ్ పుత్‌ వర్గీయులు ధ్వంసం చేశారు. కర్ణిసేన కార్యకర్తలు రాజ్ పుత్ వర్గీయులు ఆకాశ్ థియేటర్ పై దాడి చేసి కౌంటర్ అద్దాలను కిటికీలను ధ్వంసం చేశారు.

     8 మంది పోలీసులు అదుపులో

    8 మంది పోలీసులు అదుపులో

    దాడులకు పాల్పడిన 8 మందిని పోలీసులు అదుపులోకి తీసుకున్నారు. ప్రజాస్వామికంగా ఆ చిత్రానికి వ్యతిరేకంగా నిరసన తెలపవచ్చని అయితే చట్టాన్ని చేతుల్లోకి తీసుకుంటే చర్యలు తప్పవని రాజస్థాన్ హోంమంత్రి గులాబ్ చంద్ కటారియా హెచ్చరించారు.

    నిషేధించాలంటూ

    నిషేధించాలంటూ

    ఆ సినిమాను నిషేధించాలంటూ హర్యానా మంత్రి విపుల్ గోయెల్ ....కేంద్ర సమాచార ప్రసారశాఖ మంత్రి స్మృతి ఇరానీకి లేఖ రాసిన సంగతి తెలిసిందే. గత నెలలో ఈ సినిమాకు వ్యతిరేకంగా గుజరాత్లోని కర్ణిసేన ఆధ్వర్యంలో దాదాపు లక్ష మంది రాజ్పుత్ వర్గీయులు ఆందోళన చేపట్టారు.

    వివాదాలు దాడుల నేపథ్యంలో

    తమ సినిమా ఎవరి మనోభావాలను దెబ్బతీసేవిధంగా ఉండదని రాజ్ పుత్‌ల పట్ల గౌరవం పెంపొందించేలా ఈ సినిమా ఉంటుందని సంజయ్ లీలా భన్సాలీ ఓ వీడియో ద్వారా వివరణ ఇచ్చినా ఆందోళనలు ఆగడం లేదు. మరోవైపు ఈ సినిమాను అడ్డుకోవాలని సుప్రీం కోర్టులో దాఖలైన పిటిషన్ ను కొట్టివేసిన సంగతి తెలిసిందే. ఈ వివాదాలు దాడుల నేపథ్యంలో డిసెంబరు 1 న పద్మావతి విడుదలపై ఉత్కంఠ ఏర్పడింది.

    English summary
    The Karni Sena members can be seen in the video smashing glass counters and windows of Aakash theatre where Padmavati trailer was being played.
     
    న్యూస్ అప్ డేట్స్ వెంటనే పొందండి
    Enable
    x
    Notification Settings X
    Time Settings
    Done
    Clear Notification X
    Do you want to clear all the notifications from your inbox?
    Settings X
    X