ఆర్ఎక్స్ 100తో పోల్చుతున్నారు.. ట్రైలర్ చూడగానే అర్థం అయిపోయింది.. కార్తికేయ!

కార్తికేయ చేతుల మీదుగా

హీరో కార్తికేయ చేతుల మీదుగా రిజ్వాన్ ఎంటర్ టైన్మెంట్స్ లోగో లాంచ్ జరిగింది. తన చేతుల మీడియా లోగో లాంచ్ అవుతుందని ముందుగా తెలియదని కార్తికేయ అన్నాడు. లోగో లాంచ్ చేయడం సంతోషంగా ఉందని తెలిపాడు.

ఆర్ఎక్స్ 100తో పోలిక

కార్తికేయ నాటకం చిత్రం గురించి మాట్లాడుతూ.. ఈ చిత్రం గురించి యూట్యూబ్ లో, సోషల్ మీడియాలో ఎక్కడ చూసినా ఆర్ఎక్స్ 100తో పోలిక పెడుతూ కామెంట్స్ కనిపిస్తున్నాయి. ఆ విషయాన్ని నేను గొప్పగా ఫీల్ అవడం లేదని కార్తికేయ తెలిపాడు. ఇదేమి నెగిటివ్ గా తీసుకోవాల్సిన అంశం కూడా కాదని తెలిపాడు.

అంతకు మించి విజయం

నాటకం చిత్ర ట్రైలర్ చూసిన వెంటనే హిట్ అవుతుందని అర్థం అయిపోయింది. ఆర్ఎక్స్ 100ని మించి విజయం సాధించాలని కార్తికేయ ఆకాంక్షించాడు. ఆర్ఎక్స్ 100 చిత్రాన్ని డిస్ట్రిబ్యూట్ చేసిన శివమ్ సెల్యులాయిడ్ వాళ్ళే ఈ చిత్రాన్ని కూడా డిస్ట్రిబ్యూట్ చేస్తున్నారని తెలిపాడు.

చాలా బాగా నటించారు

ఆశిష్ గాంధీ, ఆష్మి ఈ చిత్రంలో జంటగా నటించారు. కళ్యాణ్ గొంగన ఈ చిత్రానికి దర్శకుడు. ఆశిష్ నటన ఇంతకు ముందే చూశానని, ఈ చిత్రంలో చాలా అద్భుతంగా నటించాడని కార్తికేయ ప్రశంసించాడు.